Popular Bible Verses from Gḭ-Néje 45

Share

Ɓasinè lé arje meeko̰ ra sí el ləm, arje oŋg ḭ sə sí gə mba ndogo gə́ seḭ ar deeje ndogəm sə sí ree səm nee lé el ləm tɔ mbata yee ɓa Ala ulam ne no̰ sí’g gə mba kaji sí ne.

Bèe ndá to seḭ ɓa ulamje loo gə́ nee’g lé el nɛ to Ala ya. Yeḛ nja telm gə́ bɔ Parao̰je ləm, gə mbai dɔ kəi ləa lai ləma, gə njeguburuɓee gə́ Ejiptə lai ləm tɔ.

Ala ya ulam no̰ sí’g kédé mba kar kó sí nai ne dɔ naŋg nee ləm, gə mba karee to gin kaji lə sí gə́ boo ləm tɔ.

Jisəb ula ŋgakea̰je pana: M’ra ndòo rɔ sí’g, ŋgəsje gə́ rɔm’g nee. Ndá deḛ ŋgəs gə́ rəa’g tɔ. Yeḛ pana: Ma m’to Jisəb, ŋgoko̰ sí gə́ seḭ ar deeje ndogəm sə sí d’aw səm Ejiptə lé ya.

Aa ooje, as ləb joo gə́ ɓoo-boo o̰ dɔ naŋg ɓee gə́ neelé mba̰. Nɛ nai as ləb mi ya ɓəi gə́ d’a ndɔ-ndɔ el ləm, d’a kinja dɔ kó mbèd el ləm tɔ.

Jisəb ula ŋgakea̰je pana: Ma m’to Jisəb! See bɔm lé si kəmba ɓəi wa. Nɛ ŋgakea̰je lé d’oo loo tel gə ta kilá keneŋ el mbata meḛ dee to kəgəgə nea̰’g.