Popular Bible Verses from 2 Mbaije 2

Share

Loo gə́ deḛ dəs d’aw mba̰ ndá Eli ula Elije pana: Maji kari dəjim né gə́ kəm karm m’ra m’ari ɓad ɓa kar dee d’unm d’aw səm ɓəi. Elije ulá pana: M’ra ndòo rɔi’g gə mba kari ar ndili ya ɔm dɔm’g as gɔl joo dɔ maree’g.

Loo gə́ d’aw njaa na̰’d d’wɔji ne na̰ ta bèe-bèe ndá aa ooje, kundaje gə́ rɔ dee ndɔḭ wər-wər to gə́ pər bèe ndɔr pusu gə́ ndɔḭ wər-wər to gə́ pər bèe gaŋg ne mbuna dee dana. Ndá lel-mal un Eli səḛ aw səa dara.

Eli pana: Né gə́ i dəji lé to né gə́ kədərə. Nɛ ɓó lé i aam gərərə loo gə́ d’a gə k’unm rɔi’g ndá né gə́ i dəji lé a kaw lée’g béréré ya, nɛ ɓó lé bèe el ndá a kaw lée’g kari el tɔ.

Yeḛ un kubu lə Eli gə́ boi yul gə́ yeḛ ɔr ila aree lé ndá yeḛ unda ne dɔ mán ndá yeḛ pana: See Njesigənea̰ Ala lə Eli əd ra wa. Tɔɓəi yeḛ tel unda mán lé gogo ɓəi ndá mán kai rəa dana gə́ yo gə́ nee ar Elije dəs aw ne.

Elije aa loo gərərə ndá ɓaree wəl pana: Bɔm loo! Bɔm loo! I lé gadi ur dɔ pusu-rɔ lə Israɛlje lai ləm, gə njérɔ gə kundaje lə dee ləm tɔ. Ndá yeḛ ée gogo el ŋga. Bèe ɓa yeḛ wa kubu ləa til dana loo joo

Yen ŋga Eli ɔr kubu ləa gə́ boi yul kə́ na̰’d unda ne dɔ mán gə́ Jurdɛ̰ ndá mán kai rəa yo gə́ nee, ar dee-deḛ joo bɔr dəs keneŋ loo gə́ tudu’g.

Loo gə́ kàree as mba̰ gə mba kar Njesigənea̰ un Eli dan lel-mal’g aw səa dara lé ndá, Eli deḛ gə Elije d’ḭ Gilgal d’aw njaa na̰’d.