Popular Bible Verses from Romanos 13

Share

Ri 'ana alak e wika ib alak che ri Kanimajawal Jesucristo; wa' e que'elawi cu'an alak xa jun ruc' Rire. C'utu alak wa' ruc' ri binic silabic alak y maya c'u alak luwar catakan pawi' alak ri rayibal na utz ta uwach re ri ti'jil alak.

We c'o c'as la ruc' junok, manajtir la che utojic. Yey konoje nenare' c'o “kac'as” chikawach, wa' e ri c'ax cakana' kib. Ec'u ri jun c'ax cuna' ri ratz-uchak', ri' catajin che u'anic ri catakan ri Tzij Pixab re ri Dios che.

Lic chirajawaxic chique conoje ri ticawex e caquiya quib quetak cuma ri e aj wach re ri tinamit, ma na jinta wa takanic paquik'ab rique we na e ta ri Dios ya'yom re chique. Janipa c'u ri takanelab e c'olic, e ri Dios ya'yom ri takanic paquik'ab.

E wa oj c'o wi e pacha' xulan chi rak'ab y xa nakaj chic casakir wi. Ruma c'u la' maka'an ke'oj janipa ri ca'an xa xe'lak'ay pa k'eku'm; e ka'ana janipa ri takalic ca'an pa ri K'ijsak. E lic ka'ana ke che tak ri to'bal uya'om ri Dios cha' cakach'ij uchuk'ab tak ri na utz taj.

Ma china ri c'o rutzil c'u'xaj ruc', na camacun ta chirij ri ratz-uchak'. E uwari'che echiri' cakac'ut ri rutzil c'u'xaj c'o kuc', e cojtajin che u'anic ri catakan Rutzij Upixab ri Dios che.

Ya'a c'u alak chique chiquijujunal janipa ri takal chique caya'ic. Che ri takal che ca'an tojonic, tojo alak. Che ri takal che cacoj utzij, cojo alak utzij. Che ri takal che cayac uk'ij, yaca alak uk'ij.