Popular Bible Verses from Apocalipsis 22

Share

Ri'in in ri jekebal re yey in ri q'uisbal re jela' pacha' ri ca'ib letra A y Z.

Ec'u ri Kanimajawal jewa' cubi'ij: «¡Chitape'! Na naj ta chi ri woponibal iwuc' y canc'am c'u bi ri rajil uc'axel, ri canya chique ri ticawex chiquijujunal e chirij tak ri qui'anom.

Ri Ruxlabixel ri Dios y ri rixokil ri K'apoj Bexex, jewa' caquibi'ij: «Peta la» quecha'. Y china ri cataw re, chubi'ij: «Peta la.» China c'u ri catzajin uchi' y caraj capetic, petok y chutija re ri ya' re c'aslemal, yey wa' xa casipax che.

Lic nim quik'ij calaxic ri caqui'an jusuc' che ri quibinic quisilabic, ma jela' lic takal chique caquitij que ruwach ri che' re c'aslemal y queboc bi che tak ri oquibal re wa tinamit.

Ec'u ri Kanimajawal jewa' cubi'ij: «¡Chitape'! ¡Na naj ta chi ri woponic iwuc'! Lic nim uk'ij ralaxic ri cutakej tak wa k'alajisanic tz'ibital chupa wa libro» cacha'.

Chiri' c'u ri' na jinta chi ak'ab; ri quejeki' chiri' na cajawax ta chi ne uwonibal ak' re lámpara chique y na cajawax tane utzu'nibal ri k'ij, ma ri Dios Kajawxel e k'ijsak chique. Yey ri quitakanic rique na jinta chi utakexic.

Ec'u ri cajiquiban uwach tak wa', jewa' cubi'ij: «Pakatzij wi na naj ta chi ri woponibal iwuc'» cacha ri Jesús. ¡Amén! E chu'ana ri', peta la, Kanimajawal Jesucristo. C'ulu c'u onoje alak ri' ri unimal rutzil uc'u'x ri Dios. Amén.

Ri'in in Juan cank'alajisaj c'u wa' chiquiwach conoje ri quetaw re ri k'alajisanic re wa libro: We c'o junok cucoj uwi' ronoje tak wa', ri Dios cutak lo puwi' janipa ri c'axc'obic tz'ibital chupa wa libro. We c'o c'u junok c'o caresaj che ri k'alajisanic re wa libro, ri Dios na cuya ta chi che cutij ruwach ri che' ri cuya c'aslemal, na cuya tane che coc bi chupa ri santowilaj tinamit re ri Dios, yey na jinta chi c'ana re che janipa ri utz tz'ibital can chupa wa libro.