Popular Bible Verses from Apocalipsis 20

Share

Chupa c'u wa' wa jun luwar xec'ak bi ri na tz'ibital ta quibi' chupa ri libro re c'aslemal.

Y xinwil quiwach ri ecaminak chinima'k chich'uti'k e tac'al chwach ri Dios. Tec'uchiri' xjakataj upa tak ri libros yey xjakataj upa jun chic libro, wa' e ri libro re c'aslemal. Chupa tak wa libros tz'ibital wi tak ri qui'anom ri ecaminak, y ec'u chirij tak wa' xk'at tzij paquiwi'.

Ri mar xebutzelej lo ri ecaminak e c'o chupa; ri rajaw ri camic y ri rajaw ri Hades xequitzelej lo ri ecaminak e c'o cuc'; y xk'at c'u tzij paquiwi' chiquijujunal e chirij tak ri qui'anom. Ec'u ri rajaw ri camic y ri rajaw ri Hades xec'ak bi chupa ri jun luwar cayenen che ak'. Wa' e ri uca'm camic.

Tec'uchiri', xinwil jun nimalaj tz'ulibal lic sak y xinwil ri Jun tz'ul chupa. Yey ec'u la' chwach Rire, e ruwachulew y ruwa caj xemalca'nic y na xilitaj ta chi quiwach.

Echiri' ic'owinak chi ri mil junab, ri Satanás cayolopix lo pa ri luwar pa tz'apil wi. Y quel bi che quisocoso'xic tak ri tinamit e c'o che ronoje ruwachulew, jenela' cu'an chique ri Gog y ri Magog, cha' cumol quichi' re pa ch'a'oj. Ri cajlibal tak wa' e pacha' ruq'uiyal ri sanyeb c'o chuchi' ri mar.