Popular Bible Verses from Filipenses 4

Share

Lic mac'o mutok' c'u'x alak; ri 'ana alak e lic ch'a'ta alak ruc' ri Dios puwi ronoje. Tz'onoj c'u alak che Rire janipa tak ri cajawax che alak yey mic'ow chic'u'x alak catioxij alak che ri Dios ronoje ri uya'om che alak.

We ca'an c'u alak tak wa', ri Dios cuya ri utzil uchomalil pa anima' alak cha' na capax ta c'u'x alak y na casach ta na'oj alak ruma cubul c'u'x alak ruc' ri Kanimajawal Jesucristo. Ec'u wa' wa utzil chomal na caquimaj ta usuc' ri ticawex.

Q'uisbal c'u re, canya wa pixabanic che alak hermanos: Lic ya'a ib alak che uch'obic puwi tak wa': ri lic katzij, ri lic c'o uk'ij, ri lic jusuc', ri na jinta c'ana ch'ul che, ri lic c'o uchomalil, ri lic utz chiquiwach conoje ri ticawex; janipa tak c'u ri utz y ri takal che cayac uk'ij, puwi tak wa' c'ola wi ri na'oj alak.

Quinel c'u pan chi utz che ronoje ri quinic'ow chupa, ma e ri Cristo caya'w nuchuk'ab.

Hermanos, lic xaki qui'cota alak ruc' ri Kanimajawal. Cambi'ij julaj chic: ¡Lic qui'cota alak!

Ec'u ri nu Dios e caya'w na ronoje tak ri cajawax che alak, ma sa'chi ri chomilaj beyomalil c'o ruc' Rire; yey cuya c'u wa' chike ri oj re ri Cristo Jesús.

Ec'u 'ana alak janipa ri nuc'utum chiwach alak, wa' e ri majom alak, ri tom alak y ri ilom alak chwe. Jec'ula', ri Dios, ri aj ya'l utzil chomalil, cac'oji' uc' alak.

C'utu alak ri relej c'u'x alak chique conoje ri ticawex cha' jela' rique caquil wa' che ralak. Ri Kanimajawal xa nakaj chi c'o lo wi.

Quinqui'cotic tob na jinta wuc' ri cajawax chwe o echiri' quic'ow ne uwi' tak ri c'o wuc'. Lic numajom ri quinqui'cot chupa ronoje tak ri quinic'ow wi, tob curik rib sa' ri cantijo o cantij numic, tob c'o ronoje ri cajawax chwe o tob na jintaj.

Cambi'ij c'u wa' na e ta ruma lic c'o cajawax chwe, na e ta ri'. Ma ri'in lic uc'amom chi rib chwe quinqui'cotic tob sa' ri in c'o wi.