Popular Bible Verses from 2 Pedro 2

Share

Ruc' tak wa', cakilo ri Dios lic reta'am su'anic quebucolobej janipa ri quiya'om quib puk'ab echiri' cac'am quipa; yey ec'u janipa ri na e ta jusuc', ri' e c'o chi chuxe' ri k'atbal tzij re ri Dios, y wa' cape na paquiwi' echiri' copon ruk'ijol.

Más utz c'u ri' chique tamaji xqueta'maj ri be re ri jusuc' binic chwa ri caquesaj quib che ri Santowilaj Tzij Pixab re ri Dios, ri xya'taj chique. Ec'u ri qui'anom rique, pakatzij wi e pacha' ri jun tzij jewa' cubi'ij: Ri tz'i' catzelej tanchi che utijic ri uxabem chi ulok; yey ri ak atinisam chic, cubalcatila' tanchi rib chupa ri xok'o'l cacha'.

Caquibi'ij e puk'ab jun c'o wi cu'an sa' ri caraj cu'ano; yey rique puk'ab ne ri mac e c'o wi. Ma echiri' junok na cuch'ij ta uchuk'ab jun chic, ri' e cac'oji' puk'ab ri casocow re; jec'ula' cuc'ulumaj ri jun na cuch'ij ta uchuk'ab ri mac.

Ec'u ri ebelinak chi lo chupa ri ch'ulilaj mac re ruwachulew ruma xqueta'maj uwach ri Kanimajawal y Kacolobenel Jesucristo, we quetzelej tanchi chupa wa mac y quesocotaj ruma, ri' más c'ax ri caquiq'uisbej wi chwa echiri' c'amaja' caqueta'maj uwach ri Kanimajawal.

Chiquixo'l ri tinamit e aj Israel xec'oji' k'alajisanelab xa e socoso'nel; jec'ula' chixo'libal ralak quec'oji' e aj c'utunel xa e socoso'nel. Wa' xa xe'lak'ay caquicoj pa quijolom ri hermanos c'utunic na usuc' taj, xa re yojobal ri quibinic quisilabic. Yey e cu'ana ne ri caquibi'ij na caquicoj ta chi rubi' ri Kanimajawal, ri xcam cuma rique re quebucolobej. Y ruma c'u wa na utz taj caqui'ano, e cape tan ri k'atbal tzij paquiwi'.