Popular Bible Verses from 2 Corintios 5

Share

Jec'ula' we junok uya'om rib puk'ab ri Cristo, e jun c'ac' ticawex. Junwi caril ronoje, ma ri re ojertan xcanaj canok y ronoje u'anom c'ac' ruc'.

Tob ri Cristo na jinta c'ana mac xu'ano, na ruc' ta c'u ri', kuma ri'oj ri Dios xu'an che xrekaj ronoje ri kamac cha' jela' coju'an jusuc' chwach ri Dios ruma xa oj jun ruc' Rire.

Ronoje c'u ri caka'ano e ruma ri cubulibal kac'u'x ruc' Rire, na e ta ruma ri cakil ruc' ri kawach.

Ronoje wa' ruc' ri Dios petinak wi, ma xojuya chi utzil chomal chwach Rire ruma ri xu'an ri Cristo y xuya c'u chike quekato' ri ticawex cha' quec'oji' chi utzil chomal chwach. Wa' e que'elawi ruma rucamic ri Cristo, ri Dios cuya chique ri ticawex quec'oji' chi utzil chomal chwach Rire ma cucuy ri quimac. Y xuya c'u chike ri'oj rubi'xiquil chiquiwach ri ticawex wa tzij re ri utzil chomal.

E uwari'che oj takom lo ruma ri Cristo. Ma kuma ri'oj ri Dios lic quelaj chique ri ticawex cha' quekib ruc'. Cojelaj c'u pa rubi' ri Cristo, jewa' cakabi'ij: «Yijba' ib alak chwach ri Dios cha' cac'oji' alak chi utzil chomal chwach.»

Xcam c'u ri Cristo paquic'axel conoje ri ticawex cha' e janipa ri e c'as ruma rucamic Rire na caqui'an ta chi sa' ri cacaj rique, ma e caqui'an janipa ri caraj ri Jun ri paquic'axel rique xcamic y xc'astaj lo chiquixo'l ri ecaminak. Wo'ora ri cakach'ob puwi junok, na e ta ruma ri cakil che, pacha' ri caqui'an ri ticawex re ruwachulew. Tob ne ojertan jela' xkach'ob lo ri'oj puwi ri Cristo, pero wo'ora na caka'an ta chi wa' ma xketa'maj uwach chi utz.

Ri rutzil uc'u'x ri Cristo catakan pa kanima' ma lic keta'am echiri' xcam Rire paquic'axel conoje, e que'elok xecam conoje ruc'.