Popular Bible Verses from ROMA 14

Share

ni sa sega ni kakana se ka-ni-gunu na matanitu ni Kalou; na yalododonu ga, kei na vakacegu, kei na reki e na Yalo Tabu. Ni sai koya sa qaravi Karisito e na veika oqo, sa vinaka vua na Kalou, a sa vinakati koya talega ko ira na tamata.

Io, kevaka eda sa bula, eda sa bula e na vuku ni Turaga; se da mate, eda sa mate e na vuku ni Turaga: o koya oqo eda sa nona kina na Turaga, se da bula se da mate.

O koya oqo me da muria kina na veika ni veivinakati, kei na veika eda na dui veivakatavulici kina.

O koya me da qai kakua tale ni dauveivakalewai tiko; oqo ga, mo dou lewa, me kakua e dua me cakava e dua na ka me tarabe kina se bale kina na wekana.

Ni sa volai, Sa kaya na Turaga, me vaka ka'u sa bula, ena tekiduru vei au ko ira na tamata kecega, Ia ena vakatusa vua na Kalou na yame kecega. O koya oqo eda na dui vakatusai keda kecega vua na Kalou.

O koya sa malumalumu na nona vakabauta dou kauta vei kemudou, ia me kakua ga me sa lewai tiko na veika e dauveiletitaki.

O cei ko iko mo lewa na tamata ni turaga tani? ena tu ko koya, se bale, vua na nona turaga. Io, ena tu dei ga: ni sa rawarawa vua na Kalou me vakataudeitaki koya.