Popular Bible Verses from NAI VAKATAKILA I JONI 22

Share

Oi au na Alifa kei na Omeka, na kenai vakatekivu kei na kenai vakataotioti, na kenai liuliu kei na kenai murimuri.

Ka raica, au sa lako kusarawa mai; a sa tu ga vei au na ka, me'u solia vei ira na tamata yadua me vaka na nonai valavala.

A sa kaya na Yalo Tabu, kei koya talega na watina-yalewa, Lako mai. Me kaya talega ko koya sa rogoca, Lako mai. Ia me lako mai ko koya sa viagunu. O koya sa vinakata, me mai gunuva walega na wai ni bula.

Sa kalougata na tamata era sa sava na nodra i sulu, me ra kania vakaitaukei na kau ni bula, me ra curu e na matamata-ni-koro ki loma ni koro.

Ka raica, au sa lako kusarawa mai: sa kalougata ko koya sa taura matua na vosa ni parofisai e nai vola oqo.

Ka na sega kina na bogi; ena sega talega ni yaga vei ira na cina, se na rarama ni siga; ni sa vakararamataki ira na Turaga na Kalou; ia era na vakaturaga tiko ka sega ni mudu.

Sa kaya ko koya sa vakatakila na veika oqo, E dina ka'u sa lako kusarawa mai. Emeni. Ni lako mai, Turaga Jisu. Me nomudou kecega na loloma ni noda Turaga ko Jisu Karisito. Emeni. AI TINITINI NI VOLA NI VEIYALAYALATI VOU.

Au sa vakatakila vei ira na tamata kecega era sa rogoca na vosa ni parofisai ni vola oqo, Kevaka e dua na tamata ena vakaikuritaka na veika oqo, ena vakaikuritaka vei koya na Kalou na mate ca sa volai tu e nai vola oqo; ia kevaka sa dua na tamata sa kauta tani eso na vosa mai nai vola ni parofisai oqo, ena kauta tani na Kalou na nonai votavota mai na kau ni bula, mai na koro savasava, ka mai na veika talega sa volai tu e nai vola oqo.