Popular Bible Verses from NAI VAKATAKILA I JONI 16

Share

(Raica, au sa lako mai me vaka na daubutako. Sa kalougata ko koya sa vakatawa, a sa taura tiko na nonai sulu, de lako voli ka luvawale, ia ka ra raica na nona luvawale.)

IA nai kaono ni agilose sa sovaraka na nona bilo ki na uciwai levu ko Uferetisi; a sa di kina na kena wai, me caramaki na nodra sala na tui mai na tu-i-cake.

Ni ratou sa yalo ni tevoro ko iratou, eratou sa kitaka na cakacaka mana, a ratou sa lako yani vei ira na tui ni veivanua kei vuravura taucoko, me vakasoqoni ira vata ki nai valu ni siga dina ko ya ni Kalou Kaukauwa.

Ia ka'u a raica e le tolu na yalo velavela eratou sa vaka na boto, eratou sa lako mai na gusu ni gata levu, mai na gusuna talega na manumanu, mai na gusuna talega na parofita vakailasu.

A ra sa qesa na tamata ni sa katakata vakalevu, a ra sa vosavakacacataka na Kalou, o koya sa lewa rawa na veimate ca oqo: a ra sa sega ni veivutuni me ra vakarokorokotaki koya.

A SA lako na kenai matai, a sa sovaraka na nona bilo ki vuravura; a sa tauvi ira na tamata na vidikoso ca e rarawa sara, o ira sa tu kina nai vakatakilakila ni manumanu, kei ira sa vakarokoroko ki na nona matakau.

A ratou sa vakasoqoni ira vata e na vanua na yacana e na vosa vaka-Iperiu ko Amaketone.