Popular Bible Verses from NA SAME 119

Share

A nomuni vosa na cina ki na yavaqu, Kei na rarama ki na noqu sala.

Au sa tugana oti na nomuni vosa ki lomaqu, Me'u kakua kina ni cala vei kemuni.

Ena vakasavasavataka vakaevei na nonai valavala na cauravou? Ni sa qarauna ga me vaka na nomuni vosa.

Sa kalougata ko ira era vakabauta na nona vosa, Era qarai koya e na lomadra taucoko.

O i kemuni na noqu i vunivuni kei na noqu i sasabai: Au sa vakararavi ki na nomuni vosa.

Mo ni vakavukui au kina, ka'u na qai cakava na nomuni vunau; Io, ka'u na vakabauta e na lomaqu taucoko.

Mo ni vaqara na lomaqu ki na nomuni tukutuku, Ia me kakua ki nai yau.

Sa yaga vei au ni'u a tauvi mate; Me'u vulica kina na nomuni lesilesi.

Oqo na ka ka'u sa vakacegu kina e na noqu rarawa: Ni sa vakaukauwataki au na nomuni vosa.

Mo ni kauti au e na sala ni nomuni vakaro; Ni'u sa rekitaka.

Mo ni vakavulica vei au, Jiova, nai valavala ni nomuni lesilesi; Ka'u na qai vakabauta ka yacova nai vakataotioti.

Sa waicala yani na yaloqu ni sa bitaki: Mo ni vakaukauwataki au me vaka na nomuni vosa.

A ka vakaidina na noqu loloma ki na nomuni vunau! Au sa vakanananu kina e na siga taucoko ka bogi.