Popular Bible Verses from NA VOSA VAKAIBALEBALE 19

Share

E levu na ka e nanuma kina na loma ni tamata: Ia sa na tu ga na lewa i Jiova.

Sa ia na soli ka vei Jiova ko koya sa lomani ira na dravudravua; Ia na ka sa solia ko koya ena saumi tale vua.

A nona yalomatua na tamata sa vakaberabera kina na nona cudru; Ka sa ka e rogo vinaka kina ni sa sega ni cudruvaka na cala.

Mo rogoca na vunau, ka vakabauta nai vakavuvuli, Mo vuku kina e na nomu gauna mai muri.

Sa vu ni bula na rerevaki Jiova: Ia ena tiko vakasautu na kenai taukei; Ena sega na ca me yacovi koya.

O koya sa rawata na vuku sa lomana na yalona: Ko koya sa taura tiko na yalomatua ena kune ka vinaka.

Mo vakanakuitataka na luvemu ni sa vinaka rawa kina, Ia ni sa tagi, me kakua ni lekaleka kina na lomamu.

A dautukutuku lasu ena sega ni donu; Ia ko koya sa vosa lasu ena rusa.