Popular Bible Verses from FILIPAI 4

Share

Dou kakua sara ni lomaocaoca; ia e na ka kecega me vakatakilai vua na Kalou na nomudou kerekere e na masu kei na dau cikecike kei na vakavinavinaka.

Ia na vakacegu ni Kalou, sa uasivia na ka kecega e kilai rawa, ena vakataudeitaka na yalomudou kei na lomamudou e na vuku i Karisito Jisu.

Meu tinia, na veiwekani, a ka kecega sa dina, na ka kecega e vakaturaga, na ka kecega e dodonu, na ka kecega e savasava, na ka kecega e daulomani, na ka kecega e rogorogo vinaka; ia kevaka sa dua na ka e vinaka, se na ka e daudokai, dou nanuma na veika oqo.

Au sa rawata na ka kecega e na vuku i Karisito o koya sa vakaukauwataki au.

Dou reki tikoga vua na Turaga: au sa kaya tale, Dou reki.

Ia na noqu Kalou ena solia me rauta kecega na nomudou dravudravua, me vaka na nonai yau levu, e na vuku i Karisito Jisu.

A veika dou sa vakatavulici kina, ka vakabauta, ka rogoca, ka raica vei au, dou cakava; ena qai tiko vata kei kemudou na Kalou ni veivakacegui.

Me kilai na nomudou yalomalumalumu vei ira na tamata kecega. Sa voleka na Turaga.

Au sa kila na vakadravudravuataki, kau sa kila talega na vakavutuniyautaki: e na veiyasana kei na ka kecega kau sa vakatavulici kina meu mamau, meu viakana talega, ka meu vutuniyau, meu dravudravua talega.

Au sa sega ni vosa niu sa dravudravua: niu sa vakatavulici, meu vakacegu tiko, e na ka kecega sa yaco vei au.