Popular Bible Verses from NA TIKO MAI NA LEKUTU 20

Share

A sa kaya vei Mosese kei Eroni ko Jiova, Ni drau a sega ni vakabauti au, mo drau dokai au e na matadra na Isireli, drau na sega kina ni kauta nai soqosoqo oqo ki na vanua ka'u sa solia vei ira.

Mo kauta nai titoko, ka vakasoqoni ira vata nai soqosoqo, ko iko kei Eroni na tuakamu, ia drau vosa ki na uluvatu e na matadra me solia mai na kena wai; ia ko na kauta mai vei ira na wai mai na vatu: ko na vagunuva kina nai soqosoqo kei na nodra manumanu e yavai va.

A sa dodoka na ligana ko Mosese, ka tukia vakarua na vatu e nonai titoko: a sa dave vakalevu na wai; a ra sa gunu nai soqosoqo, kei na nodra manumanu e yavai va.

A rau sa vakasoqona vata nai soqosoqo ko Mosese kei Eroni me ra donuya na uluvatu, a sa kaya vei ira ko koya, Dou rogoca mada, na tamata talaidredre; me keirau vakavurea beka mai na memudou wai mai na vatu oqo?