Popular Bible Verses from MACIU 27

Share

Ia e nai kaciwa ni aua sa kaci ko Jisu e na domo levu, ka kaya, Ilai, Ilai, lama sapakicani? a kenai balebale, Noqu Kalou, noqu Kalou, ko sa biuti au e na vuku ni cava?

Ka raica, sa sei rua nai lati ni vale ni soro mai na tikina e cake ka kauta kira; a sa tavuki na vanua, a sa kavida rua na veivatu lelevu; a sa dolavi na veibulubulu; sa vuqa talega na yagodra na yalododonu ka moce, sa tu cake tale mai

Ia ko Jisu, ni sa kaci tale e na domo levu, sa qai laiva na yalona.

Ia na turaga ni valu, kei ira sa tiko vata kaya me vakatawai Jisu, ni ra sa raica na tavuki ni vanua, kei na veika sa yaco, era sa rere vakalevu, ka kaya, E dina ga sa Luve ni Kalou ko koya oqo.

Sa qai butobuto na vanua taucoko, sa vakatekivu mai nai kaono ni aua ka yacova nai kaciwa ni aua.

Sa kaya vei ira ko Pailato, A cava meu qai kitaka vei Jisu, ko koya sa vakatokai na Karisito? Era sa kaya kecega vua, Me lauvako ga ki na kauveilatai. Sa qai kaya na kovana, A cava na ka ca sa cakava ko koya? A ra sa qai qoqolou vakalevu cake, ka kaya, Me lauvako ga ki na kauveilatai.