Popular Bible Verses from JOSUA 10

Share

A sa tu vakadua na mata-ni-siga, a sa tu vakadua na vula, Me ra cudruvi ira tiko na nodra meca ko ira na tamata. Sa sega li ni volai oqo e nai vola i Jeseri? A sa tu vakadua na mata-ni-siga mai na loma ni lagi, ka sega ni kusarawa me la'ki dromu, ka me rauta e dua beka na siga taucoko.

Ia e na siga ko ya ni sa soli ira na Amoraiti vei ira na Isireli ko Jiova, sa qai vosa vei Jiova ko Josua, ka kaya e matadra na Isireli, Na mata-ni-siga, mo tei tu vakadua mada mai Kipioni, Kei iko talega, Na vula, mai na buca nei Eijaloni.

A sa sega na siga eliu se emuri me tautauvata kei na siga ko ya, sa vakarorogo kina ko Jiova ki na vosa ni tamata: ni sa totaki ira na Isireli ko Jiova.

A sa kaya vei Josua ko Jiova, Mo kakua ni rerevaki ira; ni'u sa soli ira ki na ligamu; ena sega e dua vei ira me tu rawa e matamu.

A sa kaya vei ira ko Josua, Dou kakua ni rere, se yalolailai, dou kaukauwa ka qaqa: ni na cakava vakaoqo ko Jiova vei ira na nomudou meca kecega dou na veivala kei ira.