Popular Bible Verses from AISEA 65

Share

Ia ena yaco ni sa bera na nodra masu vei au, ka'u na rogo yani; ni ra sa vosa tiko, ka'u na rogoci ira.

Raica, ka'u sa bulia na lomalagi vou kei na vuravura vou; ia ena sega ni nanumi na ka eliu, ena sega ni curu tale ki na lomamudou.

Era na sega ni oca walega, se vakasucu gone me ka ni rarawa vei ira; ni ra sa nodra kawa na tamata era sa vakalougatataki maivei Jiova, ko ira kei na luvedra talega.

era na sega ni tara, ka tiko kina na tamata tani, era na sega ni tea, ka kania na tamata tani: ia me vaka na kena dede e dua na kau ena vakakina na nodra gauna na noqu tamata, ia era na rekitaka vakadede na cakacaka ni ligadra ko ira na tamata ka'u sa digitaka.

Ena sega tale maikea e dua na gone sa bogi vica wale na nona bula, se dua na qase sa sega ni tamata qase sara: ia ko koya sa gone ni sa mate sa na dua na drau na nona yabaki; ia na tamata i valavala ca sa dua na drau na nona yabaki ena ka ni veivakarusai.

A wolifa kei na lami, erau na kana vata; ia na laioni, ena kania na lolo ni sila me vaka na pulumokau; ia na kuvu-ni-soso ena kena kakana na gata. Era na sega ni ia na veivakacacani se na veivakarusai e na noqu ulu-ni-vanua tabu kecega, sa kaya ko Jiova.

Ia ka'u na marautaki Jerusalemi, ka rekitaki ira na noqu tamata; ena sega ni rogoci tale kina na tagi, se na qoqolou.