Popular Bible Verses from AISEA 6

Share

Au a qai rogoca na domo ni Turaga, ni sa kaya, Ko cei me'u tala, ia ko cei ena lako e na vuku i keitou? Au a qai kaya, Koi au oqo; mo ni talai au.

A ra sa veikaciyaki, ka kaya, E dodonu, e dodonu, e dodonu, ko Jiova ni lewe vuqa: sa sinai ko vuravura taucoko e na nona serau.

Au a qai kaya, Isa koi au! ni'u sa ca; ni'u sa tamata tebenigusu qeleqelewa, au sa tiko talega kei ira na tamata tebenigusu qeleqelewa: ni sa raica na Tui ko Jiova ni lewe vuqa na mataqu.

E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale ni soro na nonai tini yara.

a sa tara kina na gusuqu, ka kaya, Raica, sa tau oqo ki na tebenigusumu; a sa takali na nomu caka cala, ka sa bokoci na nomu i valavala ca.

Era sa tu e cake vua ko ira na serafimi: sa yaono na tabadratou; e rua sa tabonaka kina na matana, e rua sa tabonaka kina na yavana, ka rua sa vuka kina.

Sa qai vuka mai vei au e dua vei ira na serafimi, a sa taura e ligana na qilaiso sa waqa tu, sa kauta e nai saga-ni-buka mai nai cabocabo-ni-soro

A sa kaya ko koya, Mo lako, ka kaya vei ira na tamata oqo, Dou na rogoca tiko, ka lecava ga; ia dou na raica tikoga, ka sega ga ni kunea.

Mo vakabibitaka na yalodra na tamata oqo, ka vakadidivarataka na daligadra, ka vakabobotaka na matadra; de ra rai e matadra, ka rogo e na daligadra, ka kila e na lomadra, ka saumaki mai, ka ra vakabulai.