Popular Bible Verses from AISEA 55

Share

ni sa dua tani na noqu vakanananu ka dua tani na nomudou vakanananu, ka sa dua tani na noqu i valavala ka dua tani na nomudou i valavala, sa kaya ko Jiova.

Me vaka na kena cecere cake na lomalagi ki vuravura, sa cecere cake vakakina na noqu i valavala ki na nomudou i valavala, kei na noqu vakanananu ki na nomudou vakanananu.

Dou vakasaqarai Jiova ni sa kune rawa; dou masuti koya ni sa voleka tiko

me biuta mada na nonai tovo na tamata ca, kei na nona vakanananu na tamata daucaka cala; ka me lesu mai ko koya vei Jiova, ena yalololoma vua, io vei koya na noda Kalou, ni na gugumatua ni lomana

Oi kemudou vakaaduaga sa viagunu, dou lako mai ki na wai; io ko koya sa sega vua nai lavo, dou lako mai, mai volia na kemudou, ka kania; io dou lako mai, mai volia, ka segai e nai lavo se nai voli, na waini kei na wai-ni-sucu.

Ka me vaka sa tau sobu na uca, kei na uca-vulavula mai lomalagi, ka sa sega ni lesu tale yani kina, ia sa vakasuasuataka mada ga na qele, ka vakabulabulataka ka me kubu, me vuataka kina na sila vua sa kaburaka, kei na madrai vua sa kania: ena vaka talega kina na noqu vosa ka'u sa vosataka yani; ena sega ni lesu tale wale vei au, ena vakayacora mada ga na ka ka'u sa vinakata, ka daucaka yaco e na ka ka'u a tala kina.

Ni dou na marau, ni dou sa lako yani; ka vakacegu, ni dou sa tuberi yani; na veiulu-ni-vanua kei na veiulu-ni-koro ena lagata na sere e matamudou, ia na kau kecega ni vanua ena ia na cobo.

Dou vakatu daligamudou, ka lako mai vei au; dou rogoca, ena qai bula na yalomudou; ka'u na ia kei kemudou na veiyalayalati e sega ni mudu, io na ka vinaka sa yalataki dina vei Tevita.