Popular Bible Verses from AISEA 45

Share

ka'u na solia vei iko na ka sa kumuni tu e na butobuto, kei nai yau vuni sa no e na yasana tabogo; mo kila kina ni sai au, ko Jiova, sa kacivi iko e na yacamu, ka'u sa Kalou ni Isireli.

Au na liutaki iko, ka vakalogalogavinakataka na yasana sukusukura; ka'u na basuka na katuba parasa, ka tamusuka na kenai vakadei aironi

Koi au ko Jiova, ka sa sega e dua tani, sa sega tale na Kalou, sai au ga: ko a sega ni kilai au, ia ka'u sa vauci iko: me ra kila kina mai nai cadracadra ni mata-ni-siga kei na kenai dromudromu, ni sa sega e dua tani, sai au ga. Koi au ko Jiova, ka sa sega e dua tale

au sa vakatubura na rarama, ka cakava na butobuto; au sa vakayacora na sautu, ka vakatubura na ca. Koi au ko Jiova ka'u sa cakava na ka kecega oqo.

Dou golevi au mai, mo dou vakabulai, nai yalayala kecega kei vuravura: ni sai au na Kalou, ka sa sega e dua tani tale.

Sa kaya vakaoqo ko Jiova vua sa lumuta ko koya, io vei Sairusi, sa ligana i matau ka'u sa taura, me'u vakamalumalumutaka na veimatanitu vua; ia ka'u na sereka nai vau ni tolodra na tui; me'u dolava vua nai sogo sa drua, ia na matamata-ni-koro ena sega ni sogo

Au a cavuti au ni'u sa bubului; sa lako yani mai na gusuqu daudina na vosa, ia ena sega ni lesu mai, Ena tekiduru vei au na duru ni tamata vakaaduaga, ena vakatusai au na yame ni tamata kecega.

E na vuku i Jekope na noqu tamata, kei Isireli ka'u sa digitaka, kau sa kacivi iko kina e na yacamu; ko sa sega ni kilai au, ia ka'u sa cavuta na yacamu.