Popular Bible Verses from AISEA 43

Share

raica, ka'u na cakava na ka vou; ena tubu ga oqo dou na sega beka ni kila? Io, ka'u na cakava na sala e loma ni lekutu, kei na uciwai e na vanua talasiga

Ni ko sa lako e loma ni wai, ka'u na tiko kei iko; kei na loma ni veiuciwai, ena sega ni luvuci iko: ni ko sa lako e loma ni bukawaqa, ena sega ni kani iko; ena sega talega ni kati iko na yameyame ni buka.

Dou kakua ni vakananuma na ka makawa, se vakasama na ka eliu

Ia oqo sa qai vaka ko Jiova, ko koya ka cakavi iko, Jekope, ka buli iko, Isireli: Kakua ni ko rere; ni'u a voli iko, au a kacivi iko e na yacamu: ko sa noqu.

Ni ko sa qai talei e mataqu, ko sa dokai kina, ia ka'u a lomani iko: ia ka'u na soli ira na tamata me kemui sere, kei na veimatanitu mei voli ni nomu bula.

Ni sai au ko Jiova, na nomu Kalou, na Yalosavasava ni Isireli, na nomu i Vakabula, ka'u a soli Ijipita me kemui voli, kei Iciopea talega kei Sepa e na vukumu.

Kakua ni ko rere, ni'u sa tiko vata kei iko: au na kauti ira na nomu kawa mai na tu-i-cake, ka'u na vakasoqoni ira na kai nomu mai ra talega

Koi au, io koi au ga, ka'u sa bokoca na nomu talaidredre e na vukuqu, ka'u na sega ni nanuma tiko na nomu i valavala ca.

Sa kaya ko Jiova, Sai kemudou na noqu dauvakadinadina, kei na noqu tamata ka'u sa digitaka: mo dou sa kunea ka vakadinati au, ka kila ni sai au ko Koya: sa sega na kalou ka buli eliu ka muri koi au, ka na sega e dua me na taravi au.

Koi au, io koi au ga ko Jiova ka sa sega tale nai Vakabula, koi au ga.

Io, mai na gauna oqo, sai au ga; ka sa sega e dua me vakabula rawa mai na ligaqu; au na cakacaka tiko, ia ko cei me na vakadaroya?

ena dokai au na manumanu kila, kei na gata lelevu kei na ositereji: ka ni'u sa solia na wai mai na lekutu, kei na uciwai mai na vanua talasiga, me'u vagunuvi ira na noqu tamata, ka'u a digitaka. Ko ira na tamata oqo ka'u sa bulia me noqu; era na tukuna na noqu vinaka sara.

ka'u na kaya ki na mata ni tokalau, Mo soli ira mai; ki na mata ni ceva talega, Kakua ni ko bureitaki ira; kauti ira mai na luvequ tagane mai na vanua yawa, kei ira na luvequ yalewa mai nai yalayala kei vuravura; ko ira yadua era sa vakayacani e na yacaqu; ia ka'u a cakavi koya me'u vakarokorokotaki kina; ka'u a buli koya; io, ka'u a cakavi koya.

Sa kaya vakaoqo ko Jiova, ko koya sa cakava na sala e na wasawasa, kei na salatu e na wasa titobu; ko koya sa kauta mai na qiqi-ni-valu kei na ose, nai valu kei na qaqa; era na koto sobu vata, era na sega ni tu cake tale; era sa suibokoci, era sa bokoci me vaka na wa ni cina.

Koi au ko Jiova, na nomudou Kalou Yalosavasava, o koya ka Buli ira na Isireli, ka'u sa nomudou Tui.