Popular Bible Verses from AISEA 30

Share

Ia ni dou gole tani vaka ki nai matau se ki nai mawi, dou na qai rogoca e dua na vosa mai dakumudou ka vaka, oqo na sala, dou mai lako tu ga kina.

O koya oqo ena wawa kina ko Jiova me yalovinaka vei kemudou, io, e na ka oqo ena tu cake kina ko koya me lomani kemudou; ni sa lewa vakadodonu na Kalou ko Jiova: era kalougata ko ira kecega era sa waraki koya.

Ni sa kaya vakaoqo na Turaga ko Jiova, ko Koya na Yalosavasava ni Isireli; Ni dou sa lesu mai ka tiko malua, dou na vakabulai kina; ni dou sa vakacegu ka vakararavi ga, dou na kaukauwa kina: ia dou a bese ga.

Ia na Turaga ena solia vei iko na madrai ni rarawa, kei na wai ni veivakasaurarataki, ia ko ira na nomu i vakavuvuli era na sega ni vunitaki tale, ko na raici ira tikoga na nomu i vakavuvuli.

Kemudou ka tiko mai Saioni e Jerusalemi; ko na sega ni tagi tale: ni sa rogo na domo ni nomu tagi, ena lomani iko sara ko koya; ni sa qai rogoca ko koya, ena vosa sara mai vei iko.

Sa kaya ko Jiova, Ulei! ko ira na gone talaidredre, era sa vakarorogo, ka sega vei au; ka ra sa ubia e na dua nai ubi, ka sega ni vaka na Yaloqu, me ra kuria kina na ca e na ca