Popular Bible Verses from NAI VAKATEKIVU 49

Share

Ena sega ni lako tani vei Juta nai titoko vakaturaga, Se na turaga ni lewa maivei ira na nona kawa, Ka me lako mada mai ko Sailo, Ko koya era na talairawarawa kina na veimataqali.

Ko Josefa, sa taba ni kau dauvua, Io na taba ni kau dauvua e na bati ni mata-ni-wai; Sa salava na dela ni bai-vatu na tabana. A ra sa dauvakararawataki koya na dauvavana, Ka vana, ka ra sagai koya

Ia sa kaukauwa tiko ga na nona dakai, A sa vakaukauwataki na taba ni ligana, E na ligana na Kaukauwa i Jekope. Sa vu maikina nai Vakatawa, na Ulu-vatu i Isireli; Io mai na Kalou i tamamu, ko koya ena vukei iko; Ko koya sa Kaukauwa talega ka na vakalougatataki iko. E na ka ni veivakalougatataki mai lomalagi e cake, kei Na ka ni veivakalougatataki mai na vanua titobu era, Kei na ka ni veivakalougatataki ni sucu kei na kete

I Juta, ko iko era na vakavinavinaka kina na veitacini: A ligamu ena taura na domodra na nomu meca; Era na cuva vei iko na luve i tamamu. A luve ni laioni ko Juta; Ko sa lako cake, na luvequ, ni ko rawa na kemu: Sa cuva ko koya, sa koto me vaka na laioni, Ia ka vaka na laioni yalewa; ko cei me vakacudruya?

I Rupeni, ko iko na noqu ulumatua, na noqu qaqa, kei nai vakatekivu ni noqu kaukauwa, Sa uasivi e na vakaturaga, ka uasivi e na kaukauwa: Sa sega ni tarovi vaka na wai, ka ko na sega ni uasivi cake; E na vuku ni ko a davo e nai mocemoce i tamamu; ko a qai vakasisilataka: sa davora ko koya na noqu i davodavo.