Popular Bible Verses from NAI VAKATEKIVU 45

Share

ia oqo, mo dou kakua ni rarawa, se veicudruvi vakai kemudou, ni dou a volitaki au ki ke: ni sa talai au na Kalou me'u liutaki kemudou, me ia na veivakabulai

ia oqo, dou sa sega ni talai au mai ki ke, na Kalou ga: a sa qisi au ko koya me'u tama i Fero, ka me'u turaga vei ira kecega na nona lewe-ni-vale, ka lewa e na vanua taucoko ko Ijipita.

A sa talai au na Kalou me'u liutaki kemudou, me maroroi na nomudou kawa e vuravura, ka me vakabulai kemudou e na veivakabulai levu

A sa kaya vei ira na veitacini ko Josefa, Dou toro mada mai vei au. A ra sa toro vua: A sa kaya ko koya, koi au ko Josefa na tacimudou, ko koya dou a volitaka ki Ijipita

ni sa qai yabaki rua, sa dausiga kina na vanua; a sa vo e lima na yabaki, ena sega kina na laulau se na tamusuki sila

A sa kaya ko Josefa vei ira na veitacini, Koi au ko Josefa; Sa bula dina tiko ko tamaqu? A ra sa sega ni vosa rawa vua na tuakana; ni ra sa taqaya e matana.