Popular Bible Verses from ISIKELI 33

Share

Mo kaya vei ira, Me vaka na dina ni noqu bula, sa kaya na Turaga ko Jiova, au sa sega ni vinakata me mate na tamata ca; au vinakata ga me lesu mai na tamata ca mai na nonai tovo, ka me bula: dou lesu mai, dou lesu mai mai na nomudou i tovo ca; e na vuku ni cava dou sa via mate kina, koi kemudou na mataqali i Isireli?

Ia ko iko, na luve ni tamata, ka'u sa lesi iko mo nodra i vakatawa na mataqali i Isireli; o koya oqo mo rogoca kina na vosa sa tau mai na gusuqu, ka mo vakasalataki ira maivei au.

Ia ko iko, kevaka ko sa vakasalataka na tamata ca e na vuku ni nonai tovo ca me sa biuta sara: ke sega ni biuta ko koya na nonai tovo, ena mate ga ko koya e na nonai tovo ca; ia ko iko, ko sa vakabula na yalomu.

Ia kevaka sa raica ko koya nai vakatawa ni sa lako tiko mai nai seleiwau, ka sa sega ni uvuca na davui, ka ra sa sega ni vakasalataki na tamata; kevaka sa yaco mai nai seleiwau, ka sa mate kina e dua vei ira na tamata, sa mate yani ko koya e na nonai valavala ca; ia na nona mate ka'u na taroga vua nai vakatawa.

Sa rogoca ko koya na domo ni davui, ka sa sega ni vakabauta; na nona mate sa baleti koya. Ia ko koya sa vakabauta sa na vakabula na yalona.