Popular Bible Verses from NA LAKO YANI 9

Share

ia e na vuku dina ni ka ga oqo ka'u sa vakabulai iko tiko, me'u vakatakila vei iko na noqu kaukauwa, me kuruvaki talega na yacaqu e vuravura taucoko.

A sa kaya vei Mosese ko Jiova, Mo la'ki curu vei Fero, ka kaya vua, Sa vosa vakaoqo ko Jiova na nodra Kalou na Iperiu, Mo laivi ira na noqu tamata me ra lako, me ra qaravi au

Ia kevaka ka'u a dodoka oti na ligaqu, ka yaviti iko, kei ira na nomu tamata, e na mate dauveiveitauvi; ko a qai muduki tani mai vuravura

raica, sa na tara na nomu manumanu sa tiko mai na veico na liga i Jiova, io, na ose, na asa, na kameli, na pulumokau, kei na sipi: ka na tauvi ira e dua na mate dauveiveitauvi ka rerevaki sara: ia ena vakatakilakilataka ko Jiova na nodra manumanu na Isireli, kei na nodra manumanu na kai Ijipita: ena sega sara ni mate e dua na nodra manumanu na Isireli.

raica e na mataka e na tiki-ni-siga oqo ka'u na vakatauca mai na uca-cevata, a ka rerevaki sara, sa sega e tautauvata kaya e Ijipita mai na gauna sa tauyavutaki kina ka yacova na gauna oqo: ia oqo mo talatala, mo maroroya na nomu manumanu, kei na nomu ka kecega e na were; ni na tau na uca-cevata ki na tamata kecega, kei na manumanu, sa tiko e na were, ka sega ni kau ki vale, a ra na mate kina.

ia ena vuki me kuvu-ni-soso matailalai, e na vanua taucoko ko Ijipita, ia ena vuki me bo, sa tetela ka vidikoso mai, e na tamata, kei na manumanu, e na vanua taucoko ko Ijipita. A rau a kauta na dravusa mai na matadravu, ka tu e na mata i Fero; a sa kaburaka ko Mosese vaka ki lomalagi; a sa vuki me bo, sa tetela ka vidikoso mai, e na tamata, kei na manumanu.