Popular Bible Verses from NA LAKO YANI 16

Share

a sa kaya vei rau ko ira na Isireli, E vinaka kevaka keimami a mate e na liga i Jiova mai na vanua ko Ijipita, ni keimami a tiko kei na kuro lewe ni manumanu, ni keimami a kana magiti ka mamau kina! ia drau sa kauti keimami mai ki na vanua liwa oqo, me vakamatea nai vavakoso taucoko oqo e na viakana. A sa kaya vei Mosese ko Jiova, Raica, ka'u na vakatauca vei kemudou na kakana mai lomalagi; a ra na curu yani na tamata, ka kumuna vata e na veisiga nai votavota sa rauta na siga yadua, me'u vakatovolei ira kina, se ra na muria na noqu vunau, se sega

A ra sa didivaki Mosese kei Eroni nai soqosoqo taucoko ni Isireli, e na vanua liwa

A sa kaya ko Mosese, Ena vakaoqo, ni sa solia ko Jiova na kemuni lewe ni manumanu e na yakavi, kei na kemuni kakana e na mataka mo ni mamau kina: ni sa rogoca ko Jiova na nomuni didi kemuni sa didivaki koya kina: ia ko cei koi keirau? a nomuni didi sa sega ni baleti keirau, sa baleti Jiova ga.

Au sa rogoca na nodra didi na Isireli: mo vosa vei ira, ka kaya, E na yakavi kemuni na kania na lewe ni manumanu, ia e na mataka kemuni na mamau e na kakana; ia kemuni na kila ni sai au ko Jiova na nomuni Kalou.