Popular Bible Verses from NA DAUVUNAU 9

Share

A ka kecega sa vakaitavi kina na ligamu, mo kitaka ga e nomu i gu; ni sa sega na cakacaka, se na vakasama, se na kila ka, se na vuku, e nai bulubulu, o koya ko sa lako tiko kina.

Au a qai lesu, ka kunea e ruku ni mata-ni-siga, ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.

Mo drau reki vata tiko kei na watimu ko koya ko sa lomana e na veisiga kece ni nomu bula ga, sa lesia vei iko ko koya e ruku ni mata-ni-siga, na veisiga kece ni nomu bula walega: ni sai koya oqori na nomu i votavota e na nomu bula oqo, e na cakacaka talega ko sa oga kina e ruku ni mata-ni-siga.

Mo lako, mo kania e na marau na kemu kakana, ka gunuva e na yalo sa reki na memu waini; ni sa qai vinakata na nomu cakacaka na Kalou.

Sa vinaka na vuku ka ca nai yaragi ni valu; ia e dua bau ga na tamata i valavala ca sa vakacacana e levu na ka vinaka.

Sa rogoci vakalevu na nodra vosa malua na vuku, ka vakalailai na nona qoqolou ka lewa e na kedra maliwa na lialia.

Ni ra sa kila ko ira sa bula ni ra na mate: ia ko ira na mate era sa sega ni kila e dua na ka, a sa sega tale na kedrai voli; ni sa yali sara na kedrai vakananumi.