Popular Bible Verses from NAI VAKARUA 4

Share

Ia kevaka ko ni sa qarai Jiova na nomuni Kalou maikina, ko na kunea, kevaka ko ni sa qarai koya e na lomamuni taucoko kei na yalomuni taucoko.

(ni sa Kalou yalololoma ko Jiova na nomuni Kalou;) ena sega ni weletaki kemuni, se vakarusai kemuni, se guilecava na veiyalayalati kei ira na nomuni qase sa bubului kina vei ira ko koya.

Ni sa bukawaqa katakata ko Jiova na nomuni Kalou, io sa Kalou vuvu.

Ia mo ni qarauni kemuni ga, ka vakatawa vinaka na yalomuni, de ko ni guilecava na ka sa raica na matamuni, ka sa lako tani e na yalomuni e na veisiga kecega ko ni sa bula kina: ia mo ni vakavulica ga vei ira na luvemuni, kei ira na makubumuni

Mo ni kila mada e na siga oqo, ka vakanananu kina e lomamuni ni sa Kalou ko Jiova mai lomalagi e cake, kei vuravura e ra: sa sega tale e dua.

Ia ko cei na matanitu levu, sa dua na nodra kalou sa tiko voleka vei ira, me vakataki Jiova na noda Kalou e na ka kecega eda sa masuti koya kina?

Ni kemuni sa rarawa, ka sa yacovi kemuni na ka kecega oqo, e na siga maimuri, kevaka ko ni sa lesu mai vei Jiova na nomuni Kalou, ka sa talairawarawa ki na domona

Mo ni kakua ni kuria na vosa ka'u sa vakarota vei kemuni, mo ni kakua talega ni vakalailaitaka, mo ni vakabauta kina nai vakaro i Jiova na nomuni Kalou, ka'u sa vakarota vei kemuni.