Popular Bible Verses from NAI VAKARUA 10

Share

Ia oqo, kemuni na Isireli, a cava na ka sa taroga vei kemuni ko Jiova na nomuni Kalou, mo ni rerevaki Jiova ga na nomuni Kalou, ka mo ni lako e na nona sala kecega ka lomani koya, ka qaravi Jiova na nomuni Kalou, e na lomamuni taucoko kei na yalomuni taucoko, mo ni vakabauta nai vakaro i Jiova, kei na ka sa lesia ko koya, ka'u sa vakarota vei kemuni e na siga oqo, me yaco vei kemuni na ka vinaka?

Ni sa Kalou duaduaga vei ira na kalou ko Jiova na nomuni Kalou, ka sa Turaga vei ira kece na turaga, a Kalou levu, ka kaukauwa, ka rerevaki, ko koya sa sega ni digitaka vakailoa na tamata, se taura nai tautauri

Ia mo ni ciliva na vuso ni yalomuni, ka mo ni kakua ni vakadomoqataki kemuni tiko.

sa dauia na lewa e na vukudra era sega ni vakatamani kei na yada, ka sa lomana na vulagi, ka me dausolia vua na kakana kei nai sulu.

O koya ga sa kemuni ukuuku, ka sa nomuni Kalou ko koya, sa cakava vei kemuni na ka levu ka rerevaki oqo, sa kunea na matamuni.

Mo rerevaki Jiova na nomuni Kalou; mo ni qaravi koya, ka kabiti koya, ka bubului e na yacana.

Raica, sa nei Jiova na nomuni Kalou na lomalagi, kei na lomalagi e cake sara, na vuravura, kei na ka kecega sa tu kina

Ia mo ni lomani ira na vulagi: ni kemuni a vulagi mai na vanua ko Ijipita.