Popular Bible Verses from TANIELA 9

Share

ia ka'u a masu vei Jiova na noqu Kalou, ka vakatusa vua, ka kaya, Kemuni na Turaga, na Kalou levu ka rerevaki, ka vakabauta tiko na veiyalayalati kei na loloma vei ira sa lomani koya, kei ira sa vakabauta na nona vunau

Kemuni na noqu Kalou, mo ni vakalakala daligamuni, mo ni rogoca; me yadra na matamuni, mo ni raica na neimami vanua sa lala, kei na koro sa vakatokai e na yacamuni: ni keimami sa sega ni tauca na neimami masumasu e matamuni e na vuku ni neimami cakacaka dodonu, e na vuku ga ni nomuni yalololoma levu. Kemuni na Turaga, mo ni rogoca; Kemuni na Turaga, mo ni vakabokoca na ca; Kemuni na Turaga, mo ni vakarorogo ka cakacaka; e na vukumuni ga, na noqu Kalou, mo ni kakua kina ni vakaberabera, ni sa vakatokai e na yacamuni ga na nomuni koro, kei ira na nomuni tamata.

Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa

Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua

Ia ena vakadeitaka ko koya na veiyalayalati kei ira e lewe vuqa ka me dua na kena wiki: ia e na veimama ni wiki, ena vakaotia ko koya nai soro kei nai madrali, ia e na taba ni tikina tabu ena tu kina na ka vakasisila sa dauveivakarusai, io, me yacova nai vakataotioti, ia na ka sa lesi ena sovaraki vua na dauveivakarusai.