Popular Bible Verses from 2 TIMOCI 1

Share

Ni sa sega ni solia mai vei keda na Kalou na yalo ni rere: a yalo ni kaukauwa ga, kei na yalololoma, kei na yalomatua.

o koya sa vakabulai keda, ka sa kacivi keda me da yalosavasava, a sa sega ga e na vuku ni noda cakacaka, e na vuku ni sa nonai naki ga kei na loloma walega ka soli vei keda eliu, e na vuku i Karisito Jisu, sa vakatekivu emuri ko vuravura

O koya oqo kau sa vakananumi iko kina mo uqeta nai solisoli ni Kalou, sa yaco vei iko e na veitabaki ni ligaqu.

O koya mo qai kakua ni maduataka na kenai tukutuku ni noda Turaga, se koi au na nona tamata sa vesu tu: ia mo vosota na veivakararawataki e na vuku ni tukutuku-vinaka me vaka na kaukauwa ni Kalou

O koya talega kau sa vosota kina na veika oqo: ia kau sa sega ni madua kina: niu sa kilai koya kau a vakararavi kina, ia kau sa kila dina sara ni sa rawata ko koya me maroroya na ka kau sa solia vua ka yacova na siga ko ya.