Popular Bible Verses from 1 VEIGAUNA 16

Share

Dou vakasaqarai Jiova kei na nona kaukauwa, Dou vakasaqara tikoga na matana.

Dou ia na vakavinavinaka vei Jiova, ni sa yalovinaka: Ni sa sega ni mudu na nona loloma.

Dou ia na vakavinavinaka vei Jiova, dou masuta na yacana, Dou tukuna voli na nona cakacaka vei ira na tamata.

Dou vosa doudou e na yacana tabu: Me marau na lomadra era sa vakasaqarai Jiova.

Dou nanuma na nona cakacaka mana sa kitaka oti ko koya, Na nona cakacaka mana kei na lewa ni gusuna

Dou sere vua, dou seretaka vua na sere, Dou tukutukuna na nona cakacaka mana kecega.

Ni sa levu ko Jiova, a sa dodonu me vakacaucautaki vakalevu: Me rerevaki vakalevu cake talega ko koya vei ira na kalou kecega.

Dou solia vei Jiova na vakarokoroko e kilikili kei na yacana: Dou kauta mai nai madrali, ka lako mai kivei koya: Dou lotu vei Jiova e na yasana tabu sa vakaiukuuku.

Sa tiko e matana na serau kei na vakarokorokotaki; Sa tiko e nona yasana na kaukauwa kei na marau.

Dou sere vei Jiova, na lewe i vuravura kecega; Tukuna voli e na veisiga ni sa dauia na veivakabulai ko koya.

Tukuna na nona lagilagi e na veimatanitu tani; Na nona cakacaka e veivakurabuitaki ki na veimatanitu kecega.

Ka vaka, Kakua ni tarai ira ka'u sa lumuta, Dou kakua ni vakacacani ira na noqu parofita.

Ni ra sa matakau walega na nodra kalou kecega na tamata: Ia ko Jiova ga sa bulia na lomalagi.

Dou nanuma tikoga na nona veiyalayalati; A vosa sa vakarota ko koya me yacova e dua na udolu nai tabatamata

Me reki ko lomalagi, ka marau ko vuravura: Me kainaki talega e na veimatanitu, Sa lewa ko Jiova.

Me vakavinavinakataki ko Jiova na nodra Kalou na Isireli Ka tawa mudu. A ra sa vakaemeni ko ira kecega na tamata, ka ra sa vakavinavinaka kivei Jiova.

Dou solia vei Jiova, koi kemudou na lewe ni veivanua, Dou solia vei Jiova na vakarokoroko kei na kaukauwa.