Popular Bible Verses from ሮሚያ 8

Share

ፆሳይ ባሬና ሲቂያዋንቶ፥ ባሬ ቆፋዳን ፄሴዳዋንቶ፥ ኡባ ዬዉዋ ሎዖቴው ኦያዋ ኑኒ ኤሬቶ።

ኣዪሲ ጎፔ፥ ሃይቁዋ ጊዲና፥ ዴዑዋ፥ ኪታንቻቱዋ ጊዲና፥ ሞዲያዋንታ፥ ሃዒ ዴዒያዋንታ ጊዲና፥ ሲንፔ ያናዋ፥ ዎልቃማቱዋ ጊዲና፥ ቦላ ሳሉዋ ጊዲና፥ ጋርሳ ሳዓ፥ ኣይ ሜታ ጊዲናካ፥ ኑ ጎዳ ኪሪስቶሳ ዬሱሳን ዴዒያ ፆሳ ሲቁዋፔ ኑና ሻካናው ዳንዳዬናዋ ታኒ ኤራዲ።

ሃዋዳን ቃሲ ጌሻ ኣያናይ ኑ ዳቡራ ማዳናው ዬ፤ ኣዪሲ ጎፔ፥ ኑኒ ፆሳ ዎቲ ዎሳናው ቤሲንቶ ኤሮኮ፤ ሺን ጌሻ ኣያናይ ባሬ ሁጴው ቃላን ቆንጪሳናው ዳንዳዬቴና ኦሊያን ኑሲ ጋናቴ።

ያቲና፥ ኑኒ ሃዋ ኡባ ዋጋኔ? ፆሳይ ኑ ባጋ ጊዶፔ፥ ኑና ኦኒ ኤቄታናዌ?

ሄዋ ዲራው፥ ኪሪስቶሳ ዬሱሳና ዴዒያዋንቱ ቦላን ፒርዳይ ሃዒ ባዋ፤

ኣሳቴባ ቆፑሳይ ሃይቁዋ ኣሄ፤ ሺን ጌሻ ኣያናባ ቆፑሳይ ዴዑዋኔ ሳሮቴ ኣሄ።

ሺን ኑኒ ኑና ሲቄዳ ኣኒ ሃ ዬዉዋ ኡባን ኑና ፆኒያዋንቱፔ ኣቶ።

ኣዪሲ ጎፔ፥ ኑኒ ሃዒ ዋዬቲያ ዋዪያ ኑሲ ሲንፔ ቆንጫና ቦንቹዋና ጋናው፥ ኡባካ ዳንዳዬቴና ጋዴ ታኒ ቆፓይ።

ሲሚ ኑና ኪሪስቶሳ ሲቁዋፔ ሻካናዌ ኦኔ? ዋዪ ዎይ ሜቱ ዎይ ዬዴርሱ ዎይ ኮሻይ ዎይ ካሉ ዎይ ያሻይ ዎይ ኦላይ ኑና ሻካኔ?

ቃሲ ኣሳ ዎዛና ቢዲያ ፆሳይ፥ ጌሻ ኣያናይ ኢ ኮዪያዋዳን፥ ፆሳ ናቶ ጋናቲያ ዲራው፥ ጌሻ ኣያና ቆፋይ ኣዬንቶ ኤሬ።

ፆሳ ኣያናይ ካሌያ ኡባቱ ፆሳ ናና።

ባሬንቱ ኣሳቴይ ኮዪያዋዳን ዴዒያዋንቱ ባሬንቱ ኣሳቴባ ቆፒኖ፤ ሺን ጌሻ ኣያናይ ኮዪያዋዳን ዴዒያዋንቱ ጌሻ ኣያናባ ቆፒኖ።

ኢ ሃራይ ኣቶ ባሬ ናዓካ ዋዪያፔ ጉዬ ኣሺቤና፤ ሺን ኣ ኑሲ ኡባው ኣዴ ኢሚ ኣጌዳ። ኢ ባሬ ናዓ ኢሜዳዌ ቃሲ ኑሲ ኡባባ ጮ ኢሜኔ?

ፆሳ ኣያናይ ባሬ ሁጴው ኑ ኣያናና ጊዲዴ፥ ኑኒ ፆሳ ናና ጊዲያዋ ማርካቴ። ኑኒ ኣ ናና ጊዶፔ፥ ኢ ባሬ ኣሳው ሚንጄዳ ኣንጁዋ ላታና፤ ቃሲ ኑኒ ፆሳይ ኪሪስቶሳው ሚንጄዳዋካ ኣናና ላታና፤ ኑኒ ኪሪስቶሳ ዋዪያ ኣናና ሻኮፔ፥ ኣ ቦንቹዋካ ኣናና ሻካና።

ኣሳቴባ ቆፑሳይ ፆሳው ኢፆ፤ ኣያው ጎፔ፥ ኣሳቴይ ፆሳ ሂጌው ኤኖ ጌና፤ ቃሲ ኤኖ ጋናዉካ ኣው ዳንዳዬቴና።

ፆሳይ ሜዳ ሜታ ኡባይ ፆሳ ናናይ ቆንጫናዋ ሎይ ላሞቲ ኡቴዳ።

ኣዪሲ ጎፔ፥ ሜታ ኡባይ ኢቲፔ ሃዋ ጋካናው፥ ማጫ ኣሳ ዬሉ ኦይቂና ኦሊያዋዳን፥ ሳኩዋን ኦሊያዋ ኑኒ ኤሬቶ።