Popular Bible Verses from تِيطُس 3

Share

وَ لَاكِنْ وَكِتْ اللّٰهْ مُنَجِّينَا بَيَّنْ مَحَنِّتَهْ وَ مَحَبِّتَهْ لِلْإِنْسَانْ، هُو نَجَّانَا. وَ دَا مَا بِسَبَبْ أَيِّ عَمَلْ صَالِحْ السَّوَّيْنَاهْ لَاكِنْ بِسَبَبْ رَحْمَتَهْ هُو. وَ هُو غَسَّلَانَا بِالْوَالُودَةْ التَّانِيَةْ وَ أَنْطَانَا حَيَاةْ جَدِيدَةْ بِالرُّوحْ الْقُدُّوسْ الْهُو نَزَّلَهْ فَوْقنَا بِكُلَّ بَرَكَاتَهْ بِوَاسِطَةْ مُنَجِّينَا عِيسَى الْمَسِيحْ. وَ مِثِلْ دَا، بِقِينَا صَالِحِينْ بِنِعْمَتَهْ وَ أَنِحْنَ عَشْمَانِينْ فَوْق رَبِّنَا كَدَرْ نَوْرُثُوا الْحَيَاةْ الْأَبَدِيَّةْ.

ذَكِّرْ الْأَخْوَانْ أَشَانْ يَسْمَعَوْا كَلَامْ الْحَكُومَةْ وَ الْكُبَارَاتْ وَ يِتَابُعُوا كَلَامْهُمْ. وَ خَلِّي يَبْقَوْا جَاهِزِينْ لِيِسَوُّوا الْخَيْر فِي كُلِّ حَالْ. وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

لَاكِنْ أَنْقَرِعْ مِنْ الْمُنَاقَشَاتْ الْمَا عِنْدُهُمْ فَايْدَةْ مِثِلْ مُنَاقَشَاتْ فِي الْقَرَمْ وَ الْمُخَاصَمَةْ وَ الْمُغَالَطَةْ فِي تَفْسِيرْ التَّوْرَاةْ. كَلَامْ مِثِلْ دَا بَاطِلْ وَ مَا عِنْدَهْ فَايْدَةْ أَبَداً.

وَ أَيِّ نَادُمْ الْيِحَجِّي كَلَامْ شِقْ وَ يِفَرِّقْ بَيَّهْ الْأَخْوَانْ، حَذِّرَهْ مَرَّةْ وَاحِدَةْ وَ حَذِّرَهْ مَرَّةْ تَانِيَةْ وَ بَعَدْ دَا، أَقْطَعْ مَعَايَهْ الْعَلَاقَةْ.