Popular Bible Verses from رَوْمَا 5

Share

لَاكِنْ دَاهُو كِكَّيْف اللّٰهْ وَصَّفْ لَيْنَا مَحَبِّتَهْ الْكَبِيرَةْ. وَكِتْ أَنِحْنَ لِسَّاعْنَا مُذْنِبِينْ، الْمَسِيحْ مَاتْ فِي شَانَّا.

وَ الْعَشَمْ دَا أَبَداً مَا يِجِيبْ لَيْنَا الْعَيْب أَشَانْ اللّٰهْ نَزَّلْ مَحَبِّتَهْ فِي قُلُوبْنَا بِالرُّوحْ الْقُدُّوسْ الْهُو أَنْطَاهْ لَيْنَا.

وَ زِيَادَةْ مِنْ دَا، نَفْرَحَوْا كُلَ فِي التَّعَبْ الْيَجِي فَوْقنَا أَشَانْ نَعَرْفُوا التَّعَبْ يَنْطِينَا الصَّبُرْ. وَ الصَّبُرْ يِشَجِّعْ قُلُوبْنَا. وَ كَنْ قُلُوبْنَا لِقَوْا شَجَاعَةْ، عِنْدِنَا عَشَمْ.

وَ خَلَاصْ، بِقِينَا صَالِحِينْ بِسَبَبْ الْإِيمَانْ وَ أَشَانْ دَا بِرَبِّنَا عِيسَى الْمَسِيحْ، أَنِحْنَ قَاعِدِينْ بِالسَّلَامْ مَعَ اللّٰهْ. وَ بِالْمَسِيحْ بَسْ، قِدِرْنَا دَخَلْنَا فِي النِّعْمَةْ دِي بِالْإِيمَانْ الْأَنِحْنَ ثَابْتِينْ فَوْقهَا. وَ نَفْرَحَوْا بِالْعَشَمْ الْعِنْدِنَا أَشَانْ نَلْقَوْا مَجْد اللّٰهْ.

أَيْوَى، أَشَانْ فِي الْيَوْم الْاللّٰهْ قَطَعَهْ وَكِتْ أَنِحْنَ مَا عِنْدِنَا قُدْرَةْ نِنَجُّوا نُفُوسْنَا، الْمَسِيحْ مَاتْ فِي شَانْ الْخَاطِيِّينْ.

وَ كَنْ الْمَسِيحْ سَوَّانَا صَالِحِينْ بِدَفِّقِينْ دَمَّهْ، أَكِيدْ هُو يِنَجِّينَا مِنْ غَضَبْ اللّٰهْ كُلَ.

وَ نَادُمْ وَاحِدْ عِصِي اللّٰهْ وَ سَوَّى نَاسْ كَتِيرِينْ مُذْنِبِينْ. وَ مِثِلْ دَا بَتَّانْ، نَادُمْ وَاحِدْ طَاعْ اللّٰهْ وَ سَوَّى نَاسْ كَتِيرِينْ صَالِحِينْ.

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.