Popular Bible Verses from رُؤية 8

Share

وَ وَكِتْ الْحَمَلْ فَكَّ الْخِتِمْ السَّابِعْ، كُلَّ شَيّءْ فِي السَّمَاوَاتْ سَكَتْ وَ قَعَدْ سَاكِتْ مِثِلْ نُصّ سَاعَةْ.

وَ الْمَلَكْ الْأَوَّلْ ضَرَبْ الْبُرُنْجِي الْعِنْدَهْ. وَ خَلَاصْ، بَرَدْ وَ نَارْ مُخَلْبَطِينْ بِدَمّ دَفَّقَوْا فِي الْأَرْض. وَ تِلْت الْأَرْض حِرِقْ وَ تِلْت الشَّدَرْ حِرِقْ وَ الْقَشّ الْأَخْضَرْ كُلَ حِرِقْ.

وَ شِفْت بَتَّانْ وَ سِمِعْت حِسّ هَنَا صَقُرْ الْقَاعِدْ يِطِيرْ فِي السَّمَاءْ وَ بِحِسّ شَدِيدْ قَالْ: «عَذَابْ، عَذَابْ! عَذَابْ لِسُكَّانْ الْأَرْض! أَشَانْ التَّلَاتَةْ بُرُنْجِي الْفَضَّلَوْا، قَرِيبْ الْمَلَائِكَةْ يَضُرْبُوهُمْ.»

وَ الْمَلَكْ التَّانِي ضَرَبْ الْبُرُنْجِي الْعِنْدَهْ. وَ شُغُلْ مِثِلْ جَبَلْ كَبِيرْ هَنَا نَارْ رَمَوْه فِي الْبَحَرْ الْمَالِحْ. وَ خَلَاصْ، تِلْت الْبَحَرْ بِقِي دَمّ.

وَ الْمَلَكْ التَّالِتْ ضَرَبْ الْبُرُنْجِي الْعِنْدَهْ. وَ نَجْمَةْ كَبِيرَةْ بِلْحَيْن وَقَعَتْ مِنْ السَّمَاءْ مُوَلِّعَةْ نَارْ شَدِيدَةْ وَ وَقَعَتْ فِي تِلْت الْأَلْمِي الْقَاعِدْ فِي الْبُحُورْ وَ فِي عُيُونْ أَلْمِي. وَ أُسُمْ النَّجْمَةْ دِي أَمْ حَمْضَلْ. وَ خَلَاصْ، تِلْت الْأَلْمِي بِقِي مُرّ وَ نَاسْ كَتِيرِينْ شِرْبَوْا مِنَّهْ وَ مَاتَوْا أَشَانْ الْأَلْمِي بِقِي مُرّ مَرَّةْ وَاحِدْ.

وَ الْمَلَكْ الرَّابِعْ ضَرَبْ الْبُرُنْجِي الْعِنْدَهْ. وَ تِلْت الْحَرَّايْ، ضَرَبَوْه وَ تِلْت الْقَمَرْ وَ تِلْت النُّجُومْ كُلَ ضَرَبَوْهُمْ. وَ خَلَاصْ، تِلْت ضَيُّهُمْ بِقِي مَا فِيهْ. وَ نُورْ بِقِي مَا فِيهْ فِي تِلْت النَّهَارْ وَ تِلْت اللَّيْل.