Popular Bible Verses from رُؤية 17

Share

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

وَ فِي الْبَكَانْ دَا، وَاحِدْ مِنْ السَّبْعَةْ مَلَائِكَةْ الْعِنْدُهُمْ السَّبْعَةْ كِيسَانْ جَاءْ لَيِّ وَ قَالْ: «تَعَالْ، نِوَصِّفَكْ الْعِقَابْ الْجَايِ فِي الشَّرْمُوطَةْ الْمَعْرُوفَةْ الْجَالْسَةْ أَمْبَيْنَاتْ بُحُورْ كَتِيرِينْ.

الْحَيْوَانْ الشِّفْتَهْ دَا، هُو أَوَّلْ قَاعِدْ وَ هَسَّعْ مَا فِيهْ وَ يَطْلَعْ مِنْ الْهَاوِيَةْ وَ لَاكِنْ بَعَدْ دَا، يَمْشِي فِي الْهَلَاكْ. وَ سُكَّانْ الْأَرْض الْأَسَامَيْهُمْ مَا مَكْتُوبِينْ مِنْ بِدَايَةْ الدُّنْيَا فِي كِتَابْ الْحَيَاةْ، هُمَّنْ يِشِيفُوا الْحَيْوَانْ الْفَسِلْ دَا وَ يِعَجُّبُوا مِنَّهْ بِلْحَيْن أَشَانْ فِي الْوَكِتْ الْفَاتْ، هُو قَاعِدْ وَ فِي الْوَكِتْ الْحَاضِرْ، هُو مَا فِيهْ وَ فِي الْوَكِتْ الْجَايِ، يِقَبِّلْ.

وَ فِي أُسُمْ عَجِيبْ مَكْتُوبْ فِي جَبْهِتْهَا وَ الْأُسُمْ دَا، هُو بَابِلْ الْكَبِيرَةْ، أَمّ الشَّرَامِيطْ وَ مُحَرَّمَاتْ الْأَرْض.