Popular Bible Verses from عَدد 22

Share

وَ اللّٰهْ أَنْطَى خَشُمْ لِلْحُمَارَةْ أَشَانْ تِحَجِّي وَ قَالَتْ لِبَلْعَامْ: «أَنَا سَوَّيْت لَيْك شُنُو لَحَدِّي تُدُقِّنِي تَلَاتَةْ مَرَّاتْ؟»

وَ فِي الْبَكَانْ دَا، اللّٰهْ كَشَفْ لِبَلْعَامْ وَ هُو شَافْ مَلَكْ اللّٰهْ وَاقِفْ فِي أُسْط الدَّرِبْ وَ سَيْفَهْ مَسْلُولْ فِي إِيدَهْ. وَ طَوَّالِي، بَلْعَامْ دَنْقَرْ فِي الْأَرْض وَ سَجَدْ.

وَ مَلَكْ اللّٰهْ قَالْ لَيَّهْ: «مَالَا دَقَّيْت حُمَارْتَكْ تَلَاتَةْ مَرَّاتْ؟ وَ دَاهُو أَنَا جِيتْ لِنَدْحَرَكْ أَشَانْ مَخَطَرَكْ دَا مَا عَجَبْنِي.

وَ الْحُمَارَةْ قَالَتْ لِبَلْعَامْ: «أَنَا مَا حُمَارْتَكْ الْقَاعِدْ تَرْكَبْ فَوْقِي مِنْ زَمَانْ لَحَدِّي الْيَوْم؟ وَ يَوْم وَاحِدْ كُلَ، أَنَا سَوَّيْت شَيّءْ مِثِلْ دَا وَلَّا؟» وَ بَلْعَامْ قَالْ: «لَا، أَبَداً.»

وَ بَلْعَامْ قَالْ لَيْهَا: «إِنْتِ قَاعِدَةْ تَلْعَبَيْ بَيِّ وَ كَنْ أَوَّلْ أَنَا عِنْدِي سَيْف، وَكِتْ دَا أَنَا قَطَعْت رَاسْكِ خَلَاصْ.»

وَ وَكِتْ الْحُمَارَةْ شَافَتْ مَلَكْ اللّٰهْ، رَقَدَتْ بِبَلْعَامْ. وَ هُو زِعِلْ وَ قَمَّ يُدُقَّهَا بِعَصَاتَهْ.