Popular Bible Verses from لاوِيِّين 26

Share

وَ نُرُوغْ فِي أُسُطْكُو وَ نَبْقَى إِلٰـهْكُو وَ إِنْتُو تَبْقَوْا شَعَبِي.

أَنَا نِنَزِّلْ لَيْكُو الْمَطَرْ فِي وَكْتَهْ وَ الْأَرْض تَنْطِي إِنْتَاجْهَا وَ شَدَرْ الْكَدَادَةْ كُلَ يَنْطِي فَوَاكِهَّا.

«وَ كَنْ تَابَعْتُوا شُرُوطِي وَ حَفَضْتُوا وَصِيَّاتِي وَ طَبَّقْتُوهُمْ،

«وَ نِجِيبْ السَّلَامْ فِي الْبَلَدْ وَ تُنُومُوا وَ مَا فِي شَيّءْ يِبَرْجِلْ نَوْمكُو. وَ نِوَدِّرْ مِنْ الْبَلَدْ الْحَيْوَانَاتْ الْفَسْلِينْ وَ السَّيْف مَا يُشُقّ بَلَدْكُو.

«وَ أَنَا نِوَجِّهْ عَلَيْكُو وَ نِسَوِّيكُو تَلْدَوْا وَ تِزِيدُوا وَ نِثَبِّتْ مَعَاكُو مُعَاهَدَاتِي.

وَ أَنَا اللّٰهْ إِلٰـهْكُو الْمَرَقْتُكُو مِنْ بَلَدْ الْمَصْرِيِّينْ لِمَا تَبْقَوْا عَبِيدْهُمْ وَ أَنَا بَسْ الْكَسَّرْت الدَّامِي الْفِي رِقَابْكُو وَ خَلَّيْتكُو مَاشِينْ رَاسْكُو مَرْفُوعْ.

وَ أَنَا نُخُطّ مَسْكَنِي فِي أُسُطْكُو وَ مَا نَكْرَهْكُو.

«مَا تَصْنَعَوْا لَيْكُو إِلٰـهَاتْ وَ لَا تُخُطُّوا أَصْنَامْ وَ لَا تُغُزُّوا حُجَارْ لِلْعِبَادَةْ وَ لَا تَمَاثِيلْ هَنَا حُجَارْ. مَا تُخُطُّهُمْ فِي بَلَدْكُو وَ تَسْجُدُوا قِدَّامْهُمْ. أَشَانْ أَنَا بَسْ اللّٰهْ إِلٰـهْكُو.

وَ تَاكُلُوا مِنْ إِنْتَاجْكُو الْقَدِيمْ وَكِتْ طَوِيلْ لَحَدِّي تَمُرْقُوا إِنْتَاجْكُو الْقَدِيمْ لِتُضُمُّوا الْجَدِيدْ.

وَ مِنْكُو إِنْتُو، 5 يَطُرْدُوا 100 نَاسْ وَ 100 يَطُرْدُوا 10 000 نَاسْ. وَ عُدْوَانْكُو يُمُوتُوا بِالْسَّيْف قِدَّامْكُو.

وَ فِي بَكَانْكُو، وَكْت الدَّقِّينْ يَمْشِي لَحَدِّي الْقَطِعْ وَ الْقَطِعْ لَحَدِّي التَّيْرَابْ. وَ تَاكُلُوا مِنْ مَعَاشْكُو لَحَدِّي تَشْبَعَوْا وَ تَسْكُنُوا فِي بَلَدْكُو بِأَمَانْ.

وَ إِنْتُو تِطَارُدُوا عُدْوَانْكُو وَ هُمَّنْ يُمُوتُوا بِالْسَّيْف قِدَّامْكُو.

أَحْفَضَوْا يَوْمِي هَنَا السَّبْت وَ أَحْتَرُمُوا بَيْتِي الْمُقَدَّسْ. وَ أَنَا بَسْ اللّٰهْ.