Popular Bible Verses from يَعْقُوب 1

Share

يَا أَخْوَانِي، أَفْرَحَوْا فِي أَيِّ تَعَبْ الْيَجِيكُو أَشَانْ تَعَرْفُوا كَدَرْ التَّعَبْ يِجَرِّبْ إِيمَانْكُو وَ كَنْ قَعَدْتُوا ثَابْتِينْ فِي أُسْط التَّعَبْ، تَبْقَوْا نَاسْ صُبُورِينْ.

كَنْ نَادُمْ مِنْكُو مَا عِنْدَهْ حِكْمَةْ، خَلِّي يَطْلُبْهَا مِنْ اللّٰهْ وَ اللّٰهْ يَنْطِيهْ. أَشَانْ اللّٰهْ يَنْطِي لِكُلَّ النَّاسْ بِزِيَادَةْ بِجُودْ وَ بَلَا لُوَامَةْ.

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

وَ خَلِّي صَبُرْكُو يَبْقَى تَمَامْ أَشَانْ بَيَّهْ تَبْقَوْا كَامِلِينْ وَ قَادْرِينْ وَ مَا فِي شَيّءْ يِقَصِّرْ لَيْكُو.

طَبُّقُوا كَلَامْ اللّٰهْ وَ مَا تَسْمَعَوْه بَسْ. كَنْ تَسْمَعَوْه وَ مَا تِطَبُّقُوهْ، تُغُشُّوا نُفُوسْكُو.

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

كُلَّ شَيّءْ الْعَدِيلْ وَ كُلَّ شَيّءْ التَّمَامْ جَايِ مِنْ اللّٰهْ بَسْ وَ يَنْزِلْ مِنْ اللّٰهْ خَالِقْ الْأَنْوَارْ الْفِي السَّمَاءْ. وَ هُو مَا يِلْغَيَّرْ أَبَداً وَ مَا يِلْحَوَّلْ مِثِلْ الضُّلّ.

كَنْ نَادُمْ سِمِعْ كَلَامْ اللّٰهْ وَ مَا طَبَّقَهْ، هُو يَبْقَى مِثِلْ نَادُمْ الْيِشِيفْ وِجْهَهْ فِي أَمْ شَوَّافَةْ. وَ يِشِيفْ كِكَّيْف وِجْهَهْ وَ خَلَاصْ يَمْشِي وَ طَوَّالِي يَنْسَاهْ.

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

كَنْ نَادُمْ قَاعِدْ فِي التَّجْرِبَةْ، خَلِّي مَا يُقُولْ: «اللّٰهْ قَاعِدْ يِلِزِّنِي فِي الذَّنِبْ.» أَشَانْ أَبَداً مَا فِي شَيّءْ يِلِزّ اللّٰهْ فِي الذَّنِبْ. وَ اللّٰهْ هُو أَبَداً مَا يِلِزّ نَادُمْ فِي الذَّنِبْ. لَاكِنْ كَنْ نَادُمْ يِدَوْر يَذْنِبْ، شَهْوَتَهْ بَسْ قَاعِدَةْ تِلِزَّهْ أَشَانْ الذَّنِبْ بِقِي لَيَّهْ حَلُو.

الْأَخُو الْمُؤمِنْ الْمِسْكِينْ، خَلِّي يَفْرَحْ أَشَانْ اللّٰهْ دَرَّجَهْ.