Popular Bible Verses from إشَعْيا 11

Share

وَ فِي النَّادُمْ دَا، يَنْزِلْ رُوحْ اللّٰهْ وَ دَا رُوحْ الْحِكْمَةْ وَ الْمَعْرَفَةْ وَ الشَّوْرَةْ وَ الْفَحَالِيَّةْ وَ الْعِلِمْ وَ الْخَوْف مِنْ اللّٰهْ. وَ هُو يَفْرَحْ بِالْخَوْف مِنْ اللّٰهْ وَ مَا يَحْكِمْ بِالشَّافَتَهْ عَيْنَهْ وَ مَا يِقَرِّرْ بِالسِّمْعَتَهْ أَدَانَهْ.

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

وَ الْعَدَالَةْ مِثِلْ حِزَامْ صُلْبَهْ وَ الصَّحِيحْ مِثِلْ حِزَامْ بَطْنَهْ.

وَ مَا تُكُونْ فَسَالَةْ وَ لَا دَمَارْ فِي كُلَّ جَبَلِي الْمُقَدَّسْ أَشَانْ الْأَرْض تِنْمَلِي بِمَعْرَفَةْ اللّٰهْ مِثِلْ الْبَحَرْ يِنْمَلِي بِأَلْمِي.

وَ الْبَعَشَوْم يَسْكُنْ مَعَ الْحَمَلْ وَ النِّمِرْ يَرْقُدْ جَنْب السَّخَلْ. وَ الْعِجِلْ وَ فَرْخ الدُّودْ يَاكُلُوا سَوَا وَ وِلَيْد صَغَيَّرْ يُقُودْهُمْ.

وَ فِي الْيَوْم دَا، عِرِقْ يَسَّى يَبْقَى مِثِلْ رَايَةْ لِلشُّعُوبْ. وَ الْأُمَمْ يِفَتُّشُوهْ وَ بَكَانَهْ الْيِنْجَمَّ فَوْقَهْ عَظِيمْ.