Popular Bible Verses from خُروج 7

Share

خَلَاصْ، اللّٰهْ قَالْ لِمُوسَى: «أَسْمَعْ عَدِيلْ. أَنَا نِسَوِّي كَلَامَكْ مِثِلْ كَلَامْ إِلٰـهْ قِدَّامْ الْمَلِكْ وَ هَارُونْ أَخُوكْ يَبْقَى لَيْك مِثِلْ رَسُولَكْ.

وَ أَنَا نِقَوِّي رَاسْ الْمَلِكْ وَ نِكَتِّرْ عَلَامَاتِي وَ عَجَايْبِي فِي بَلَدْ مَصِرْ. وَ لَاكِنْ الْمَلِكْ يَابَى مَا يَسْمَعْكُو. وَ بِإِيدِي أَنَا، نِنَزِّلْ غَضَبِي فِي مَصِرْ. وَ بِعِقَابِي الْعَجِيبْ، نَمْرُقْ شَعَبِي بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.

وَ وَكِتْ أَنَا نِمِدّ إِيدِي وَ نَضْرُبْ مَصِرْ وَ نَمْرُقْ بَنِي إِسْرَائِيلْ مِنْهَا، خَلَاصْ الْمَصْرِيِّينْ يَعَرْفُوا كَدَرْ أَنَا بَسْ اللّٰهْ.»

وَ الْمَلِكْ نَادَى الْعُلَمَاءْ وَ السَّحَّارِينْ هَنَا مَصِرْ. هُمَّنْ كُلَ بِسِحِرْهُمْ سَوَّوْا نَفْس الشَّيّءْ وَ أَيِّ وَاحِدْ مِنْهُمْ زَقَلْ عَصَاتَهْ وَ عِصَيْهُمْ بِقَوْا دَبِيبْ. وَ لَاكِنْ عَصَاةْ هَارُونْ زَرَطَتْ عِصَيْهُمْ.

خَلَاصْ، دَاهُو اللّٰهْ قَالْ: ”بِمِثِلْ دَا، إِنْتَ تَعَرِفْ كَدَرْ أَنَا بَسْ اللّٰهْ.“ وَ دَا، وَكِتْ أَنَا مُوسَى نَضْرُبْ أَلْمِي بَحَرْ النِّيلْ بِالْعَصَاةْ الْفِي إِيدِي وَ الْأَلْمِي يَبْقَى دَمّ.

«أَكُونْ الْمَلِكْ يُقُولْ لَيْكُو: ‹سَوُّوا قِدَّامِي شَيّءْ وَاحِدْ عَجِيبْ.› خَلَاصْ، إِنْتَ تُقُولْ لِهَارُونْ: ‹شِيلْ عَصَاتَكْ وَ أَزْقُلْهَا قِدَّامْ الْمَلِكْ.› وَ الْعَصَاةْ تَبْقَى دَابِي.» وَ خَلَاصْ مُوسَى وَ هَارُونْ مَشَوْا لِلْمَلِكْ وَ سَوَّوْا مِثِلْ اللّٰهْ أَمَرَاهُمْ بَيَّهْ. هَارُونْ زَقَلْ عَصَاتَهْ قِدَّامْ الْمَلِكْ مَعَ خَدَّامِينَهْ وَ الْعَصَاةْ بِقَتْ دَابِي.