Popular Bible Verses from خُروج 15

Share

وَ قَالْ: «كَنْ تَسْمَعَوْا كَلَامِي أَنَا اللّٰهْ إِلٰـهْكُو وَ تِسَوُّوا الْعَدِيلْ قِدَّامِي وَ تِتَابُعُوا وَصِيَّاتِي وَ تِطَبُّقُوا كُلَّ الشُّرُوطْ، أَنَا مَا نِنَزِّلْ فَوْقكُو وَبَاءْ مِثِلْ النَّزَّلْتَهْ فِي الْمَصْرِيِّينْ. أَشَانْ أَنَا اللّٰهْ الْيَشْفِيكُو.»

اللّٰهْ هُو قُدُرْتِي وَ فِيَّهْ هُو، أَنَا نِغَنِّي. هُو بَسْ النَّجَّانِي وَ هُو رَبِّي الْأَنَا نِمَجِّدَهْ. هُو الرَّبّ الْأَبُويِ عَبَدَهْ. أَنَا نِعَظِّمَهْ!

يَا اللّٰهْ، يَاتُو مِثْلَكْ إِنْتَ فِي إِلٰـهَاتْ الْقَبَايِلْ؟ يَاتُو مِثْلَكْ، يَا جَلِيلْ، يَا قُدُّوسْ؟ إِنْتَ الْوَاجِبْ لَيْك الشُّكُرْ وَ إِنْتَ الْقَادِرْ تِسَوِّي عَجَايِبْ.

بِرَحْمَتَكْ إِنْتَ قُدْت شَعَبَكْ الْمِنْ الْمَوْت فَدَيْتهُمْ. وَ بِقُدُرْتَكْ وَدَّيْتهُمْ عَلَيْ بَكَانَكْ الْمُقَدَّسْ.

وَ وَكِتْ وَصَّلَوْا فِي مُرَّةْ، لِقَوْا أَلْمِي وَ لَاكِنْ الْأَلْمِي دَا مُرّ، مَا قِدْرَوْا يَشَرْبَوْه. وَ فِي شَانْ دَا بَسْ، الْبَكَانْ دَا سَمَّوْه مُرَّةْ. فِي الْبَكَانْ دَا، لَامَوْه لِمُوسَى وَ قَالَوْا: «نَشَرْبَوْا شُنُو؟» وَ مُوسَى سَأَلْ اللّٰهْ وَ اللّٰهْ وَصَّفْ لَيَّهْ شَدَرَةْ وَاحِدَةْ. وَ مُوسَى قَطَعْ مِنْهَا فِرِعْ وَ زَقَلَهْ فِي الْأَلْمِي دَا وَ الْأَلْمِي بِقِي حَلُو. وَ فِي الْبَكَانْ دَا بَسْ، اللّٰهْ أَنْطَى لِبَنِي إِسْرَائِيلْ قَوَانِينْ وَ شُرُوطْ. وَ جَرَّبَاهُمْ