Popular Bible Verses from خُروج 13

Share

وَ اللّٰهْ مَاشِي قِدَّامْهُمْ بِالنَّهَارْ فِي عَمُودْ هَنَا سَحَابْ لِيُقُودْهُمْ فِي الدَّرِبْ وَ بِاللَّيْل فِي عَمُودْ هَنَا نَارْ لِيِضَوِّي لَيْهُمْ. أَشَانْ بَيْدَا، يَقْدَرَوْا يُرُوغُوا لَيْل وَ نَهَارْ. وَ عَمُودْ السَّحَابْ الْيُقُودْهُمْ بِالنَّهَارْ وَ عَمُودْ النَّارْ الْيُقُودْهُمْ بِاللَّيْل مَا كَسَّوْا مِنْهُمْ أَبَداً.

وَكِتْ فِرْعَوْن مَلِكْ مَصِرْ خَلَّى بَنِي إِسْرَائِيلْ مَرَقَوْا، الرَّبّ مَا وَدَّاهُمْ بِالدَّرِبْ الْيُشُقّ بَلَدْ الْفِلِسْطِيِّينْ حَتَّى كَانْ الدَّرِبْ دَا قَرِيبْ كُلَ. أَشَانْ هُو عِرِفْ كَنْ هُمَّنْ يَوَاجُهُوا حَرِبْ، يَنْدَمَوْا لِمَرِقِينْهُمْ وَ بَتَّانْ يِقَبُّلُوا فِي مَصِرْ.

وَ الرَّبّ وَدَّاهُمْ عَلَيْ الصَّحَرَاء بِدَرِبْ آخَرْ الْيِعَدِّي بِالْبَحَرْ الْأَحْمَرْ. وَ بَنِي إِسْرَائِيلْ مَرَقَوْا مِنْ مَصِرْ جَاهِزِينْ لِلْحَرِبْ.