Popular Bible Verses from أفَسُس 5

Share

إِنْتُو عِيَالْ اللّٰهْ الْيِحِبُّكُو وَ أَشَانْ دَا، خَلِّي حَالْكُو تَبْقَى مِثِلْ حَالَهْ. عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

فَكُّرُوا تَمَامْ فِي حَالْكُو. مَا تِعِيشُوا بِحَالْ الْمُغَفَّلِينْ لَاكِنْ بِحَالْ الْفَاهِمِينْ. سَوُّوا الْخَيْر فِي أَيِّ فُرْصَةْ أَشَانْ الزَّمَنْ الْقَاعِدِينْ فَوْقَهْ دَا فَسِلْ.

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ. أَشَّاجَعَوْا أَمْبَيْنَاتْكُو بِغِنَيْ وَ أَنَاشِيدْ وَ شُكُرْ مِنْ الرُّوحْ الْقُدُّوسْ. غَنُّوا وَ أَشْكُرُوا رَبِّنَا بِكُلَّ قُلُوبْكُو. أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

أَسْمَعَوْا، يَا الرُّجَالْ، حِبُّوا عَوِينْكُو مِثِلْ الْمَسِيحْ يِحِبّ أُمَّتَه الْفَدَاهَا بِرُوحَهْ

أَوَّلْ، إِنْتُو بَسْ الضَّلَامْ وَ لَاكِنْ هَسَّعْ، بِقِيتُوا نُورْ بِعَلَاقِتْكُو مَعَ الرَّبّ. عِيشُوا بِالْحَالْ الْوَاجْبَةْ لِأَهَلْ النُّورْ.

أَبْقَوْا ضَلُولِينْ أَمْبَيْنَاتْكُو وَ خَلِّي أَيِّ وَاحِدْ يِكَرِّمْ الْآخَرْ فِي شَانْ الْمَسِيحْ.

أَسْمَعَنْ، يَا الْعَوِينْ، خَلِّي أَيِّ مَرَةْ تِكَرِّمْ رَاجِلْهَا مِثِلْ هِي تِكَرِّمْ الرَّبّ.

وَ بُخُصُّكُو إِنْتُو كُلَ. أَيِّ رَاجِلْ مِنْكُو وَاجِبْ يِحِبّ مَرْتَهْ مِثِلْ يِحِبّ نَفْسَهْ وَ أَيِّ مَرَةْ وَاجِبْ تِكَرِّمْ رَاجِلْهَا.

وَ الْكِتَابْ بُقُولْ: <بِسَبَبْ دَا، أَيِّ رَاجِلْ يِخَلِّي أَمَّهْ وَ أَبُوهْ وَ يِلِمّ مَعَ مَرْتَهْ وَ النَّاسَيْن يَبْقَوْا جِسِمْ وَاحِدْ.>

مَا تِشَارُكُوا فِي عَمَلْ هَنَا أَهَلْ الضَّلَامْ الْمَا يِجِيبْ نَتِيجَةْ عَدِيلَةْ. أَخَيْر تَكْشِفْ الشَّيّءْ الْهُمَّنْ قَاعِدِينْ يِسَوُّوهْ.