Popular Bible Verses from جامِعة 11

Share

يَا الصَّبِي! أَفْرَحْ بِأَيَّامْ صُبَاكْ وَ خَلِّي قَلْبَكْ يَفْرَحْ بِأَيَّامْ شَبَابَكْ. تَابِعْ كَلَامْ قَلْبَكْ وَ الْيِشِيفُوهْ عُيُونَكْ. لَاكِنْ أَعَرِفْ كَدَرْ فِي كُلَّ الشَّيّءْ دَا، الرَّبّ يِحَاسِبَكْ.

بَعِّدْ الْحِزِنْ مِنْ قَلْبَكْ وَ بَعِّدْ التَّعَبْ مِنْ جِسْمَكْ. أَشَانْ الصُّبَى وَ الْقُدْرَةْ زَايْلِينْ سَاكِتْ.

الْحَرَّاتِي الْيِشِيفْ الرِّيحْ يَعَرِفْ الْوَكِتْ الْمَا وَاجِبْ يِتَيْرِبْ. وَ الْحَرَّاتِي الْيِشِيفْ السَّحَابْ يَعَرِفْ الْوَكِتْ الْمَا وَاجِبْ يَقْطَعْ.

مِثِلْ إِنْتَ مَا تَعَرِفْ وِجْه الرِّيحْ وَ كِكَّيْف يِلْكَوَّنَوْا عُضَامْ الصَّغِيرْ فِي بَطُنْ أَمَّهْ، خَلَاصْ مَا تَقْدَرْ تَفْهَمْ كِكَّيْف الرَّبّ يِسَوِّي كُلَّ شَيّءْ.

بِفَجُرْ، تَيْرِبْ وَ بِعَشِيَّةْ، مَا تِنْجَمَّ. أَشَانْ إِنْتَ مَا تَعَرِفْ وَيْنُو الْيَنْجَحْ، دَا وَلَّا دَاكْ، وَلَّا كَنْ الْإِتْنَيْن كُلُّهُمْ عَدِيلِينْ.

قَسِّمْ مَالَكْ عَلَيْ سَبْعَةْ أَوْ تَمَانَةْ بَكَانْ أَشَانْ إِنْتَ مَا تَعَرِفْ الْفَسَالَةْ التَّجِي فِي الْأَرْض.