Popular Bible Verses from دَنْيال 8

Share

وَ قُوَّتَهْ تِزِيدْ لَاكِنْ مَا بِقُدُرْتَهْ حَلَالَهْ. وَ يِسَبِّبْ خَرَابْ عَجِيبْ وَ يَنْجَحْ فِي كُلَّ شَيّءْ الْيِسَوِّيهْ. وَ يَكْتُلْ النَّاسْ الْعِنْدُهُمْ قُدْرَةْ وَ شَعَبْ اللّٰهْ الصَّالِحِينْ كُلَ. وَ بِنَجَاضْتَهْ، يَنْجَحْ وَ بِكِدْبَهْ، يِسْتَكْبَرْ زِيَادَةْ وَ يِدَمِّرْ نَاسْ كَتِيرِينْ الْعَايْشِينْ فِي السَّلَامَةْ. وَ يُقُمّ ضِدّ سُلْطَانْ السَّلَاطِينْ. وَ يِدَّمَّرْ بَلَا مَا لِمْسَتَهْ إِيدْ.

وَ بَعَدْ دَا، جِبْرِيلْ قَالْ لَيِّ: «دَاهُو نِعَرِّفَكْ الشَّيّءْ الْيُكُونْ وَكِتْ غَضَبْ اللّٰهْ يَنْزِلْ وَ دَا فِي الْوَكِتْ الْمُحَدَّدْ الْيَجِي فِي الأَخِيرْ. وَ الْكَبِشْ الْإِنْتَ شِفْتَهْ الْعِنْدَهْ قُرُونْ إِتْنَيْن، هُو يِمَثِّلْ مُلُوكْ الْمَادِيِّينْ وَ الْفَارِسِيِّينْ. وَ التَّيْس كَمَانْ يِمَثِّلْ مَلِكْ الْيُونَانِيِّينْ. وَ الْقَرِنْ الْكَبِيرْ الْقَمَّ أَمْبَيْنَاتْ عُيُونَهْ دَا يِمَثِّلْ مَلِكْهُمْ الْأَوَّلْ.