Popular Bible Verses from 2 بُطْرُس 3

Share

وَ اللّٰهْ مَا يِأَخِّرْ وَعَدَهْ. النَّاسْ الْيُقُولُوا هُو أَخَّرْ، مَا فِهْمَوْا عَدِيلْ. أَخَيْر نُقُولُوا اللّٰهْ صَبُورْ لَيْكُو. هُو مَا يِدَوْر أَيِّ نَادُمْ يَهْلَكْ لَاكِنْ يِدَوْر كُلَّ النَّاسْ يُتُوبُوا.

يَا أَخْوَانِي النِّحِبُّكُو، فِي شَيّءْ وَاحِدْ مَعْرُوفْ الْمَا وَاجِبْ تَنْسَوْه وَ دَا هُو. لِلّٰهْ يَوْم وَاحِدْ مِثِلْ أَلِفْ سَنَةْ وَ أَلِفْ سَنَةْ مِثِلْ يَوْم وَاحِدْ.

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ. أَرْجَوْا يَوْم اللّٰهْ وَ أَتْمَنَّوْا جَيْتَهْ. وَ فِي الْيَوْم دَا، السَّمَاوَاتْ يِنْحَرْقُوا وَ يِدَّمَّرَوْا وَ النُّجُومْ يُمُوعُوا فِي الْحَمُو.